Vıse-premer – Ulttyq ekonomıka mınıstri Serik Jumanǵarınniń tóraǵalyǵymen Úkimette «kóleńkeli» ekonomıkaǵa qarsy is-qımyl máselesine qatysty jıyn ótti.
Memlekettik organdardyń damý josparlaryna tıisti KPI engizildi. Kóleńkede qalý qaýpi zor saýda, qurylys, kólik, densaýlyq saqtaý, bilim berý, aýyl sharýashylyǵy sekildi sektorlarda salalyq jol kartalary ázirlenip, júzege asyrylyp jatyr.
Qarjy vıse-mınıstri Erjan Birjanov atap ótkendeı, salalyq jol kartalaryn júzege asyrý, aldyn alý sharalarynyń tıimdi bolýyna múmkindik berdi. Aınalymdardy zańdastyrý boıynsha belgili bir nátıjege qol jetkizildi. Mysaly, ishki saýdada kóleńkeli aınalym deńgeıi 3,54%-dan 2,97%-ǵa deıin, bilim berýde 1,52%-dan 1,1%-ǵa deıin, aýyl sharýashylyǵynda 1,88%-dan 1,73%-ǵa deıin tómendedi. 2024 jyldyń qorytyndysyna qaraıtyn bolsaq, IJО́-degi kóleńkeli ekonomıkanyń úlesi 16,71%-ǵa qysqardy. О́tken jyldyń qorytyndysy bıylǵy jyldyń tamyz aıynda shyǵarylady.
Sıfrlandyrýdyń qarqyndy damýy men sıfrlyq arnalardy paıdalaný arqyly jańa kóleńkeli shemalardyń paıda bolýy shashyrańqy salalyq jol kartalarynan kóleńkeli ekonomıkaǵa qarsy is-qımyldyń biryńǵaı keshendi josparyn qalyptastyrýǵa kóshý týraly sheshimge alyp keldi. Smart Data Finance negizinde memlekettik organdardyń aqparattyq júıelerin biriktiretin ári derekterdi taldaý men óńdeýde jasandy ıntellekt quraldaryn qoldanatyn sıfrlyq platforma qurylady.
Sıfrlyq platforma salyq, keden, eńbek jáne salalyq júıelerdiń deregin salystyrýǵa, sur shemalardy qoldanýǵa beıim anaǵurlym osal býyndardy anyqtaýǵa, sondaı-aq olardyń ekonomıka sektorlary arasyndaǵy qozǵalysyn baqylaýǵa múmkindik beredi. Buǵan qosa JI quraldary Keshendi jospardyń oryndalýyn baqylaý men nysanaly kórsetkishke qol jetkizý tıimdiligin baǵalaýda qoldanylady.
Keshendi jospar men sıfrlyq platforma Úkimettiń kóleńkeli operasııalar órisin taryltý jónindegi dáıekti jumysynyń kelesi kezeńi bolady. Kóleńkege beıim salalardy sıfrlandyrý boıynsha aýqymdy jumys júrgizilip jatyr. Taýarlardyń ulttyq katalogi, otandyq óndirýshilerdiń tizilimi, taýarlardy tańbalaý men qadaǵalaý, sıfrlyq teńge men sıfrlyq QQS engizilip, EShF barlyq jerde qoldanylady.
Sur shemalardyń qoldanylýyna anaǵurlym osal salanyń biri – saýdadaǵy kóleńkeli aınalymdy azaıtýdyń qosymsha sharalary qabyldanyp otyr. Naryqtaǵy qyzmetti jańǵyrtý men retke keltirý baǵa belgileýdiń ashyqtyǵyn arttyrýǵa arnalǵan kóterme satyp alý standartyn engizý esebinen qamtamasyz etiledi.
Jıyn qorytyndysy boıynsha vıse-premer memlekettik organdarǵa Qarjy monıtorıngi agenttigimen birlesip, bir aı ishinde naqty sıfrlyq sheshimdermen, usynystarmen kóleńkeli ekonomıkaǵa qarsy is-qımyldyń keshendi josparyn ázirleýdi tapsyrdy.