Atyraý oblysynyń Tasqala eldi mekeninde №51 avtobýs ishinde balaly áıel stýdent qyzǵa oryn bermegeni úshin qol jumsap, shashynan súıregen, dep habarlaıdy Egemen.kz.
16 qańtar kúni saǵat 13:00 shamasynda stýdent qyzdy áıel oryn bermegeni úshin basynan uryp, shashynan súıregen. Sodan soń túk bolmaǵandaı «Kókarna mektebi» aıaldamasynan túsip qalǵan. Jábir kórgen qyz polısııa shaqyryp, aýrýhanaǵa jetkizilgen. Dárigerler tekserip, jaǵdaıyn jaqsy dep baǵalaǵan. Sot-medısınalyq saraptamaǵa joldama berilmegen.
Qoǵamdyq kólikte shý shyǵarǵan er adam qamaýǵa alyndy
Atyraý oblysy polısııa departamentiniń málimdeýinshe, quqyqbuzýshylyqqa jol bergen áıel adam anyqtalyp, polısııa bólimine jetkizilgen.
«Oǵan qatysty uryp-soǵý deregimen qylmystyq is tirkeldi. Qazirgi tańda jábirlenýshi men oqıǵanyń ózge de kýágerlerinen jaýaptar alynyp, oqıǵanyń barlyq mán-jaıy anyqtalyp jatyr», delingen habarlamada.