Davosta ótip jatqan Dúnıejúzilik ekonomıkalyq forýmda Ýkraına taqyryby Donald Tramptyń Grenlandııaǵa qatysty talaptaryna baılanysty ekinshi orynǵa ysyryldy, dep jazady Egemen.kz.
Budan birneshe kún buryn Eýropalyq odaq kóshbasshylary Trampty soǵystan keıingi Ýkraınaǵa qaýipsizdik kepildikterin berýge kóndirýdi josparlaǵan edi. Alaıda qazir olar «onyń ýádelerine senýge bola ma?» degen kúmánǵa kelip, kún tártibin shuǵyl túrde qaıta qarap jatyr.
Ýkraına boıynsha beıbit kelisim: Zelenskıı Tramppen Florıdada kezdesedi
Buǵan Tramptyń Danııany qoldap, onyń Grenlandııaǵa qatysty josparlaryna qarsy shyqqan EO elderine baj salyǵyn engizemin degen qoqan-loqysy sebep bolǵan. Brıýsselde jaýap retinde qarsy tarıfter engizý jáne amerıkalyq kompanııalardyń EO naryǵyna qoljetimdiligin shekteý máseleleri talqylanyp jatyr. Degenmen ázirge daǵdarysty dıplomatııalyq jolmen sheshýge úmit bar.
Reseı úsh jylda Ýkraına aýmaǵynyń qansha bóligin basyp aldy?
Búgin Davosta ótetin ulttyq qaýipsizdik jónindegi keńesshilerdiń kezdesýi Ýkraına emes, Grenlandııa taqyrybyna arnalady. Al beısenbi kúni osy máselege baılanysty Eýropalyq odaqtyń shuǵyl sammıti ótedi.
«Mundaı adammen Ýkraınaǵa qaýipsizdik kepildikteri týraly qalaı kelissóz júrgizýge bolady? Oǵan sený múmkin emes», dedi eýropalyq dıplomattar.
Aıta keteıik, forým 19-23 qańtar aralyǵynda ótedi.
Zelenskıı Tramppen Ýkraına men AQSh arasyndaǵy erkin saýda týraly kelisimdi talqylady