Eńbek jáne halyqty áleýmettik qorǵaý mınıstrligi múgedektigi bar balalarǵa, múgedektigi bar adamdarǵa jáne qarttarǵa arnalǵan shaǵyn syıymdylyqtaǵy úıler men kúndizgi kútim bólimsheleri úshin jańa standarttardy ázirledi. Vedomstvo basshysynyń tıisti buıryq jobasy týraly aqparat «Ashyq NQA» portalynda jarııalandy, dep habarlaıdy Egemen.kz.
Atalǵan standarttardy engizý arnaıy áleýmettik qyzmetter (AÁQ) kórsetetin uıymdardyń qyzmet tıimdiligin olardyń túrlerin naqty aıqyndaý arqyly arttyrýǵa múmkindik beredi.
Buǵan deıin múgedektigi bar balalarǵa, múgedektigi bar adamdarǵa jáne qarttarǵa arnalǵan shaǵyn syıymdylyqtaǵy úıler men kúndizgi kútim bólimsheleriniń qyzmetinde stasıonarlyq jáne jartylaı stasıonarlyq jaǵdaılarda AÁQ kórsetýge arnalǵan qoldanystaǵy standarttar paıdalanylyp kelgen.
Múgedek balalardyń ata-analaryn qorlaǵan blogerge sot úkimi shyqty
Jeke, derbes standarttardy qoldaný AÁQ kórsetýdi ońtaılandyrýǵa, sondaı-aq qajet bolǵan jaǵdaıda uıymdardyń naqty bir túriniń jumysyna nysanaly ózgerister engizý arqyly olardyń qyzmet tıimdiligin odan ári arttyrýǵa múmkindik beredi.
Jalpy alǵanda, atalǵan jańashyldyqtardy iske asyrý ómir súrý sapasyn arttyrýǵa, áleýmettik qoldaý nysandaryn keńeıtýge jáne barynsha ınklıýzıvti ári qoljetimdi áleýmettik ortany qalyptastyrýǵa baǵyttalǵan.
Qazaqstanda múgedektigi bar adamdardy qandaı áleýmettik qoldaý sharalary bar?
Premer-mınıstrdiń orynbasary – Eńbek jáne halyqty áleýmettik qorǵaý mınıstriniń 2023 jylǵy 29 maýsymdaǵy № 263 «Halyqty áleýmettik qorǵaý salasynda arnaıy áleýmettik qyzmetter kórsetý standarttaryn bekitý týraly» buıryǵyna ózgerister engizý jobasy jónindegi aqparat 2026 jylǵy 2 aqpanǵa deıin «Ashyq NQA» ınternet-portalynda qoǵamdyq talqylaý úshin ornalastyrylǵan.
«Jan Shýaq» syılyǵy múgedektigi bar adamdardyń áleýetin ashýǵa kómektesedi