21 qańtarda Qazaqstanda eń jaýapty ári qaýipti áskerı mamandyqtardyń biriniń kásibı merekesi – Injenerlik áskerlerdiń kúni atalyp ótiledi, dep habarlaıdy Egemen.kz.
Olardyń qatarynda saperler, ınjener-barlaýshylar, mehanık-júrgizýshiler, pontonshylar, kınologtar jáne basqa da mamandar bar. Áskerı ınjenerler baǵdarlardy daıyndaý men qamtamasyz etýge, fortıfıkasııalyq qurylystar salýǵa, mınalyq-jarylǵysh bógetterdi ornatý jáne zalalsyzdandyrýǵa, ótkelder uıymdastyrýǵa, sondaı-aq áskerlerdi sýmen qamtamasyz etýge jaýapty.
Áskerı ınjenerler tótenshe jaǵdaılardyń saldaryn joıýǵa da tartylady.
2024 jylǵy kóktemgi sý tasqyny kezinde Oıyl jáne Esil ózenderi arqyly parom ótkelderi uıymdastyrylyp, 3 myńnan astam adam evakýasııalandy, shamamen 1,5 myń tehnıka birligi ótkizildi jáne 400 tonnadan astam gýmanıtarlyq kómek jetkizildi.
Qazaqstanda áskerı esepke alý erejelerine ózgerister engizildi
Sonymen qatar olardyń mindetine áskerı nysandardy búrkemeleý nemese ımıtasııalaý kiredi. Qaýipsizdikti qamtamasyz etýde ınjenerlik-saperlik bólimsheler erekshe ról atqarady. Olar aýmaqty mınalardan tazalaý jumystaryn júrgizedi. Bul qyzmet joǵary kásibı daıyndyqty, qatań tártipti jáne kúızeliske tózimdilikti talap etedi. Injenerlik áskerler zamanaýı barlaý quraldarymen, robototehnıkamen, jer qazý jáne pontondyq tehnıkamen jabdyqtalǵan.
Elimizde áskerı qyzmetkerlerdiń jalaqysy ósedi
Otandyq ınjenerler halyqaralyq mıssııalarǵa da eleýli úles qosty.
Iraktaǵy operasııa barysynda olar 4 mln-nan astam jarylǵysh zatty zalalsyzdandyryp, 6,7 myń tekshe metrden astam sýdy tazartty. Qazirgi zamanǵy tehnıkamen jabdyqtalǵan jáne bilikti mamandarmen tolyqtyrylǵan ınjenerlik áskerler ulttyq qaýipsizdik júıesiniń mańyzdy quramdas bóligi bolyp qala beredi.
Áskerı qyzmetke jaramdylyq dárejesi týraly anyqtamany onlaın alýǵa bolady