Qazaqstannyń juptyq syndaǵy birinshi raketkasy Anna Danılına Avstralııanyń ashyq chempıonatynda (Australian Open) jankúıerlerdi kezekti jeńisimen qýantty. Otandasymyz serbııalyq Aleksandra Krýnıchpen birge týrnırdiń 1/8 fınalynda jeńiske jetip, shırek fınalǵa qadam basty, dep habarlaıdy Egemen.kz.
Sports.kz málimetinshe, týrnırdiń 1/8 fınalynda Anna Danılına serbııalyq Aleksandra Krýnıchpen birge alań ıeleri – Storm Hanter men Maııa Djoınttan quralǵan avstralııalyq dýetke qarsy oınap, eki sátte jeńiske jetti – 7:5, 7:6 (8:6). Aıta keterligi, alǵashqy partııada Danılına men Krýnıch 2:5 esebimen utylyp jatqanymen, jaǵdaıdy ózgertip, kambek jasady.
Kezdesý 2 saǵat 13 mınýtqa sozyldy. Sóıtip, Qazaqstan-Serbııa juby shırek fınalǵa joldama aldy. Bul kezeńde olar chehııalyq Katerına Sınıakova men AQSh ókili Teılor Taýnsendten quralǵan myqty juppen kezdesedi.