Saqtaǵan Báıishev atyndaǵy Aqtóbe oblystyq kitaphanasynda jazýshy, «Alash» ádebı syılyǵynyń ıegeri, «Bıbi-Ana» qaıyrymdylyq qorynyń prezıdenti Bıbigúl Imanǵazınanyń «Bıbi-Sana» kitabynyń tanystyrylymy ótti, dep habarlaıdy Egemen.kz.
Avtor jańa kitabynda áleýmettik taqyrypty barynsha qozǵaıdy. Negizgi ıdeıasy – arly pen arsyzdyqtyń taıtalasy. О́mirdegi san túrli jaǵdaılarǵa tap bolǵan keıipkerleri arqyly adaldyq pen adamgershilik, ynsap pen meıirim, ashkózdik pen toıymsyzdyq, kúnshildik pen qyzǵanysh sııaqty adamı minezderdi barynsha kórsetýge umtylǵan.
Qazaq jazýshysy Nobel ıegeri Mo Iаnǵa «Abaı» kitabyn syılady
Oblystyq mádenıet, arhıvter jáne qujattama basqarmasynyń basshysy Altynaı Iýnısqyzy múgedektik arbasyna tańylsa da, sanaly ǵumyryn taǵdyrdan taıaq jegen analardy qorǵaýǵa arnaǵan Bıbigúl Imanǵazınanyń qoǵamdaǵy eren eńbegin atap ótti. Minezdi de, qaısar ana qalamymen de qyzmet etip keledi: jaqsylyqty nasıhattaıdy, adamdardy jamandyqtan qashyq bolýǵa shaqyrady.
«Bir el – bir kitap» aksııasy: Bıyl qandaı shyǵarmalar daýys berýge usynyldy?
Aqyn, Jazýshylar Odaǵynyń Aqtóbe fılıalynyń jetekshisi Baýyrjan Qurmanqulov «Bıbi-Sana» romanynda ıman, obal, saýap, uıat sekildi adamı qasıetterdiń mańyzy ashyp kórsetilgeni týraly tarqatsa, Janǵabyl Qabaqbaev romannyń qarapaıym da túsinikti tili, erekshe sóz qoldanystary týraly aıtty. Osy jaqta turatyn týys inileri Muratbaı Qabıev pen Kenjebaı Súıeýmaǵanbetov jazýshymen birge ótkizgen balalyq shaqtary týraly baıandady.
«Qazaqtyń sheshendik óneri» kitabynyń tusaýy kesildi
Oblystyq kitaphana janynan qurylǵan «Úrker» shyǵarmashylyq úıirmesiniń múshesi, jas aqyn Qyzǵaldaq Alpysbaeva aqyn Iran-Ǵaıyptyń qalamgerge arnaǵan «Bıbi-Ana» óleńin oqydy. Kezdesý sońynda «Jaqsylyqtyń jarshysyndaı Bıbi-Ana» kitap kórmesine bıblıografııalyq sholý jasaldy.
Aqtóbe oblysy