Turǵyn úıge arnalǵan zańdar qaralady

Palatanyń aldaǵy otyrysynda senatorlar «Qazaqstan Respýb­lı­kasynyń Úkimeti men ORES Ha­lyq­aralyq damý qory ara­syn­­­daǵy jeke sektordaǵy ope­ra­sııa­­lardy uıymdastyrý týra­ly ne­giz­­demelik kelisimdi ratıfı­ka­sııa­­laý týraly» zańdy qaraı­dy. Ke­li­sim uzaq merzimdi qarjy­lan­­dy­­­rýǵa, ınvestısııalar­dy qor­ǵaý­­­ǵa, son­daı-aq yntymaqtas­tyq­tyń ıkemdi sharttaryna kepildik beredi.

Bıýro otyrysynda atalyp ótkendeı, atalǵan zań arqy­ly ORES Halyqaralyq Damý qory­nyń qaryzdaryn, kepildikterin, taǵy basqa da quraldaryn alýǵa járdemdesý úshin turaqty negiz qurý arqyly elimizdiń qarjylyq yntymaqtastyǵy men ornyqty ekonomıkalyq damýyn yntalandyrý kózdelip otyr.

Sondaı-aq Senat depýtattary «Qazaqstan Respýblıkasynyń keıbir zańnamalyq aktilerine kúzet qyzmeti, turǵyn úı qaty­nastary jáne quqyq qorǵaý qyz­meti máseleleri boıynsha ózge­rister men tolyqtyrýlar engizý týraly» zańdy qaraıdy. Zańnyń negizgi maqsaty – kúzet qyz­metin júzege asyratyn sýbek­tilerdiń qyzmetin jetil­dirý, qarý ıelerine qoıylatyn talap­tardy kúsheıtý, quqyq qorǵaý organdarynyń, arnaýly memlekettik organdar­dyń, azamattyq qorǵaý organ­dary­nyń qyzmetkerlerin, áskerı qyzmetshilerdi turǵyn úımen qamtamasyz etý jáne turǵyn úı tólemderin júzege asyrý tártibin jetildirý. Sondaı-aq zańdy shamadan tys naqtylaıtyn normalardy alyp tastaý, olardy Úkimet aktileri deńgeıine aýystyrý qarastyrylǵan.

Sonymen qatar senatorlar buǵan deıin Májilis qabylda­ǵan zańdardy jumys úshin Palata­nyń turaqty komıtetterine bólip berdi.