Qytaı avtomobıl qaýymdastyǵy (CPCA) 2025 jylǵy kólik eksportynyń nátıjesin jarııalady. Jalpy kólemi – 8,32 mln mashına eksporttalǵan, onyń 3,43 mıllıony elektromobıl men gıbrıdti kólik. Qytaıdan eń kóp avtomobıl jetkizgen elderdiń arasynda Meksıka (625 187), Reseı (582 738) jáne Birikken Arab Ámirlikteri (571 937) bar. Al Qazaqstanǵa byltyr 200 myńnan astam avtokólik kirgen, dep habarlaıdy Egemen.kz.
Qytaı basylymdarynyń jazýynsha, byltyrǵy kórsetkish 2024 jylmen salystyrǵanda 30%-ǵa joǵary. Jańa energııa kózin (NEV) tutynatyn modelderdiń eksporty 70%-ǵa artqan.
Qazaqstan Qytaıdan kólik ımporttaýshy elderdiń úzdik ondyǵyna endi. CPCA deregine súıensek, 12 aıda elimizge 211 545 mashına kirgen, onyń ishine dılerler men zaýyttarǵa attanǵan jáne jeke ımporttaýshylar ákelgen kólikter túgel kirgen sııaqty. Sebebi tehnıka sany elimizdegi resmı naryqtyń kórsetkishine (234 852) jaqyn.
Eksport pen ımport: Básekelestik ádil bolýy kerekElektromobıl men gıbrıd ımporttaýdan Belgııa kósh bastap tur. Bir jylda bul el 284 921 tehnıka alǵan. Ekinshi orynǵa Ulybrıtanııa (231 181) jaıǵasty, Meksıka (221 027) úshtikti túıindedi.
Qazaqstannyń túrki elderine eksporty 7,6 mlrd dollarǵa jetti