2015 jylǵy 26 qańtar, Astana qalasy
Qazaqstan Respýblıkasynda baqylaýǵa jatatyn esirtkini, psıhotroptyq zattar men prekýrsorlardy medısınalyq maqsatta paıdalaný qaǵıdalaryn bekitý týraly
«Esirtki, psıhotroptyq zattar, sol tektester men prekýrsorlar jáne olardyń zańsyz aınalymy men teris paıdalanylýyna qarsy is-qımyl sharalary týraly» Qazaqstan Respýblıkasynyń 1998 jylǵy 10 shildedegi Zańy 16-babynyń 1-tarmaǵyna sáıkes buıyramyn:
1. Qosa berilip otyrǵan Qazaqstan Respýblıkasynda baqylaý jasalýǵa jatatyn esirtkini, psıhotroptyq zattar men prekýrsorlardy medısınalyq maqsattarda paıdalaný qaǵıdalary bekitilsin.
2. Medısınalyq jáne farmasevtıkalyq qyzmetti baqylaý komıteti:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryqtyń Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde merzimdik baspa basylymdarynda jáne «Ádilet» aqparattyq-quqyqtyq júıesinde resmı jarııalanýǵa jiberilýin;
3) osy buıryqtyń Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V. Soıǵa júktelsin.
4. Osy buıryq alǵash resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Densaýlyq saqtaý jáne
áleýmettik damý mınıstri T. Dúısenova.
KELISILDI
Qazaqstan Respýblıkasynyń Ishki ister
mınıstri ________________ Q. Qasymov
2015 jylǵy 26 qańtar
Qazaqstan Respýblıkasy Densaýlyq saqtaý jáne áleýmettik damý mınıstriniń
2015 jylǵy 26 qańtardaǵy № 32 buıryǵymen bekitilgen
Qazaqstan Respýblıkasynda baqylaý jasalýǵa jatatyn esirtkini, psıhotroptyq zattar men prekýrsorlardy medısınalyq maqsattarda paıdalaný qaǵıdalary
1. Jalpy erejeler
1. Osy Qazaqstan Respýblıkasynda baqylaý jasalýǵa jatatyn esirtkini, psıhtroptyq zattar men prekýrsorlardy medısınalyq maqsattarda paıdalaný qaǵıdalary (budan ári – Qaǵıdalar) «Esirtki, psıhotroptyq zattar, prekýrsorlar jáne olardyń zańsyz aınalymy men teris paıdalanylýyna qarsy is-qımyl sharalary týraly» 1998 jylǵy 10 shildedegi Qazaqstan Respýblıkasynyń Zańyna (budan ári – Zań) sáıkes ázirlendi jáne quramynda Qazaqstan Respýblıkasynda baqylaý jasalýǵa jatatyn esirtki, psıhotroptyq zattar men prekýrsorlardyń tizimine (budan ári – Tizim) engizilgen esirtki, psıhotroptyq zattar men prekýrsorlar bar dárilik zattardy medısınalyq maqsatta paıdalaný tártibin belgileıdi.
Esirtkini, psıhotroptyq zattar men prekýrsorlardy medısınalyq maqsatta paıdalaný dep quramynda esirtki, psıhotroptyq zattar jáne prekýrsorlar bar dárilik zattardy taǵaıyndaý, paıdalaný, jazyp berý, bosatý, saqtaý, bólý, esepke alý, joıý, qajettiligin aıqyndaý túsiniledi.
2. Osy Qaǵıdalarda mynadaı negizgi uǵymdar paıdalanylady:
1) naýqastyń medısınalyq qujattary - syrqatnamasy, ambýlatorııalyq kartasy, konsýltasııalyq tekserip-qaraý jazba paraǵy;
2) arnaıy reseptilik blank - quramynda Tizimniń II kestesindegi esirtki, psıhotroptyq zattar bar dárilik zattarǵa resept jazyp berýge arnalǵan blank;
3) sıgnatýra - quramynda esirtki, psıhotroptyq zattar men prekýrsorlar bar dárilik zattardy alýdyń zańdylyǵyn rastaıtyn qujat;
4) Tizimniń II Kestesi - medısınalyq maqsatta paıdalanylatyn jáne qatań baqylaýǵa alynǵan esirtki jáne psıhotroptyq zattardyń tizimi;
5) Tizimniń III Kestesi - medısınalyq maqsatta paıdalanylatyn jáne baqylaýǵa alynǵan esirtki men psıhotroptyq zattardyń tizimi;
6) Tizimniń IV Kestesi - baqylaýǵa alynǵan prekýrsorlar (esirtki men psıhotroptyq zattardy zańsyz daıyndaýda jıi paıdalanylatyn hımııalyq jáne ósimdik zattar) tizimi.
2. Qazaqstan Respýblıkasynda baqylaý jasalýǵa jatatyn esirtkini, psıhotroptyq zattar men prekýrsorlardy medısınalyq maqsattarda paıdalaný tártibi
1-paragraf. Ambýlatorııalyq jáne stasıonarlyq naýqastar úshin densaýlyq saqtaý uıymdaryndaǵy quramynda esirtki, psıhotroptyq zattar jáne prekýrsorlar bar dárilik zattarǵa qajettilikti aıqyndaý
3. Quramynda esirtki, psıhotroptyq zattar men prekýrsorlar bar dárilik zattarǵa qajettilik densaýlyq saqtaý uıymdarynda:
1) densaýlyq saqtaý uıymynyń dárilik formýlıaryna sáıkes;
2) óńirdegi syrqattanýshylyq dınamıkasy men epıdemıologııalyq ahýal derekteriniń negizinde;
3) emdelip shyqqan naýqastardyń tirkelimi eskerile otyryp;
4) kelesi qarjy jylynyń 1 qańtaryna boljamdy qaldyqty, aldyńǵy jylǵa quramynda esirtki, psıhotroptyq zattar men prekýrsorlar bar dárilik zattardyń naqty tutynylýy eskerilip aıqyndalady.
4. Quramynda esirtki bar dárilik zattar qajettiliginiń esebin densaýlyq saqtaý sýbektileri júzege asyrady.
Quramynda esirtkisi bar dárilik zattardyń 1000 adamǵa shaqqandaǵy halyqtyń bir jylǵa arnalǵan qajettiligin esepteý normatıvteri (grammen) osy Qaǵıdalarǵa 1-qosymshaǵa sáıkes nysan boıynsha, bir tósekke shaqqandaǵy bir jylǵa arnalǵan qajettiligin esepteý normatıvteri 2-qosymshaǵa sáıkes nysan boıynsha, pallıatıvtik kómektiń (hospıs) onkologııa bólimshesi úshin quramynda esirtkisi bar dárilik zattardyń bir tósekke shaqqandaǵy bir jylǵa qajettiligin esepteý normatıvteri 3-qosymshaǵa sáıkes nysan boıynsha, ınkýrabeldi onkologııalyq naýqastarǵa arnalǵan apıyndy analgetıkterdi bosatý normalary 4-qosymshaǵa sáıkes nysan boıynsha.
5. Densaýlyq saqtaý sýbektileri oblystardyń, Astana, Almaty qalalarynyń densaýlyq saqtaý basqarmalaryna:
1) jyl saıyn, 1 naýryzǵa deıin kelesi kúntizbelik jylǵa arnalǵan quramynda esirtki, psıhotroptyq zattar men prekýrsorlar bar dárilik zattar qajettiliginiń eseptik normatıvterin;
2) toqsan saıyn, esepti toqsannan keıingi aıdyń 10-kúnine deıin bir toqsanǵa esirtki dárilik zattarynyń naqty shyǵysy týraly esepti;
3) jyl saıyn, 1 naýryzǵa deıin esepti jyldan keıingi bir jylǵa quramynda esirtki, psıhotroptyq zattar men prekýrsorlar bar dárilik zattardyń naqty shyǵyny týraly esepti usynady.
6. Oblystardyń, Astana, Almaty qalalarynyń densaýlyq saqtaý basqarmalary Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq jáne farmasevtıkalyq qyzmetti baqylaý komıtetine (budan ári – Komıtet) aǵymdaǵy jyldyń 15 naýryzyna qaraı densaýlyq saqtaý sýbektileriniń qajettilik normatıvterin esepke ala otyryp, kelesi jylǵa quramynda esirtki, psıhotroptyq zattar men prekýrsorlar bar dárilik zattar qajettiligi esebiniń jıyntyq ótinimin usynady.
7. Komıtet Qazaqstan Respýblıkasy Ishki ister mınıstrliginiń Esirtki bıznesine qarsy kúres jáne esirtki aınalymyn baqylaý departamentine aǵymdaǵy jyldyń 1 sáýirine qaraı kelesi kúntizbelik jylǵa Qazaqstan Respýblıkasy úshin quramynda esirtki, psıhotroptyq zattar men prekýrsorlar bar dárilik zattardyń qajettilik esebiniń jıyntyq ótinimin usynady.
2-paragraf.
Quramynda esirtki, psıhotroptyq zattar men prekýrsorlar bar dárilik zattardy taǵaıyndaý
8. Densaýlyq saqtaý uıymdarynda ambýlatorııalyq jáne stasıonarlyq emdeý kezinde quramynda esirtki, psıhotroptyq zattar men prekýrsorlar bar dárilik zattardy taǵaıyndaýdy densaýlyq saqtaý uıymynyń dárigeri júzege asyrady.
9. Jedel jáne kezek kúttirmeıtin medısınalyq kómek kórsetý kezinde quramynda esirtki, psıhotroptyq zattar men prekýrsorlar bar dárilik zattardy jedel medısınalyq járdemniń kóshpeli brıgadasynyń dárigeri nemese densaýlyq saqtaý uıymynyń kezek kúttirmeıtin kómek (úıde kómek kórsetý) bólimshesiniń dárigeri taǵaıyndaıdy.
Jedel medısınalyq kómektiń kóshpeli brıgadasynda dárigerler bolmaǵan jaǵdaıda quramynda esirtki, psıhotroptyq zattar men prekýrsorlar bar dárilik zattardy taǵaıyndaýdy kóshpeli brıgadanyń feldsheri júrgizedi.
Quramynda Tizimniń II kestesindegi esirtki, psıhotroptyq zattar bar dárilik zattardyń paıdalanylýyn resimdeý naýqasqa shuǵyl medısınalyq kómek kórsetilgennen keıin júrgiziledi.
10. Stasıonarlyq emdeýde jatqan naýqastarǵa quramynda esirtki, psıhotroptyq zattar men prekýrsorlar bar dárilik zattardy taǵaıyndaý medısınalyq kórsetilimder boıynsha júzege asyrylady.
11. Quramynda esirtki, psıhotroptyq zattar men prekýrsorlar bar dárilik zattardy taǵaıyndaý bir rettik dozasy, qabyldaý (engizý) tásili men jıiligi, emdeý kýrsynyń uzaqtyǵy, sondaı-aq dárilik zattardy taǵaıyndaýdyń negizdemesi mindetti kórsetile otyryp, naýqastyń medısınalyq qujattarynda belgilenedi jáne densaýlyq saqtaý uıymy bólimshesi meńgerýshisiniń nemese basshysynyń nemese onyń rynbasarynyń qolymen kýálandyrylady.
12. Basshynyń mindetin oryndaıtyn bir dáriger jumys isteıtin densaýlyq saqtaý uıymdarynda quramynda Tizimniń II kestesindegi esirtki, psıhotroptyq zattar bar dárilik zattardy taǵaıyndaýdy dáriger ózi júzege asyrady.
3-paragraf. Quramynda esirtki, psıhotroptyq zattar men prekýrsorlar bar dárilik zattardy medısınalyq maqsatta paıdalaný
13. Medısınalyq maqsatta Qazaqstan Respýblıkasynyń aýmaǵynda tirkelgen jáne medısınalyq qoldanýǵa ruqsat etilgen jáne Dárilik zattardyń, medısınalyq maqsattaǵy buıymdardyń jáne medısınalyq tehnıkanyń memlekettik tizilimine engizilgen, quramynda esirtki, psıhotroptyq zattar men prekýrsorlar bar dárilik zattar paıdalanylady.
14. Quramynda esirtki, psıhotroptyq zattar men prekýrsorlar bar dárilik zattardy medısınalyq maqsatta paıdalaný Qazaqstan Respýblıkasynyń ruqsattar jáne habarlamalar týraly zańnamasyna sáıkes berilgen esirtki, psıhotroptyq zattar men prekýrsorlardyń aınalymy salasynda lısenzııasy bar densaýlyq saqtaý uıymdarynda júzege asyrylady.
15. Ambýlatorııalyq emdeý kezinde pasıentterge quramynda esirtki, psıhotroptyq zattar men prekýrsorlar bar dárilik zattardy paıdalaný jazyp berilgen reseptige sáıkes dárigerdiń taǵaıyndaýy boıynsha júzege asyrylady.
16. Stasıonarlyq medısınalyq kómek kórsetetin densaýlyq saqtaý uıymdarynda naýqastarǵa quramynda Tizimniń II, III kestelerindegi esirtki, psıhotroptyq zattar bar dárilik zattardy berý basqa dárilerden bólek júrgizilýi tıis.
Dárilik zattardy paıdalaný (qabyldaý) olardy berý sátinde medısına qyzmetkeriniń qatań qadaǵalaýymen – ishý arqyly qabyldaý, transdermaldi terapııalyq júıelerdi salý (plastyr, plenka) - meıirgerdiń qatysýymen, ıneksııalardy engizý dárigerdiń qatysýymen júrgiziledi.
17. Densaýlyq saqtaý uıymdaryndaǵy saqtaýǵa arnalǵan oryndarda jáne kezekshi dárigerler men meıirgerlerdiń postylarynda esirtkiniń, psıhotroptyq zattar men prekýrsorlardyń joǵary bir rettik jáne táýliktik dozalarynyń kesteleri, sondaı-aq olarmen ýlanǵan kezdegi ý qaıtarǵylar kestesi ilinedi.
18. Densaýlyq saqtaý uıymdarynyń bólimshelerinde (kabınetterinde) quramynda esirtki, psıhotroptyq zattar men prekýrsorlar bar dárilik zattardyń zattańbalaryn aýystyrýǵa, ólshep oraýǵa, shashyratýǵa, basqa qaptamaǵa (ydysqa) quıýǵa jáne aýystyryp salýǵa tyıym salynady.
4-paragraf. Quramynda esirtki, psıhotroptyq zattar men prekýrsorlar bar dárilik zattardyń reseptilerin jazyp berý jáne olardy bosatý
19. Naýqastarǵa quramynda esirtki, psıhotroptyq zattar men prekýrsorlar bar dárilik zattardyń reseptterin tıisti medısınalyq kórsetilimderi bolǵanda naýqastyń jasyn eskere otyryp, densaýlyq saqtaý uıymynyń dárigerleri, feldsherler, akýsherler nemese óz betinshe qabyldaý júrgizetin dárigerler jazyp berip, qolyn qoıady, jeke mórimen jáne densaýlyq saqtaý uıymynyń mórtabanymen jáne mórimen kýálandyrylady.
20. Ambýlatorııalyq naýqastarǵa quramynda Tizimniń II kestesindegi esirtki, psıhotroptyq zattar bar dárilik zattar osy Qaǵıdaǵalarǵa 5-qosymshaǵa sáıkes nysan boıynsha tıpografııalyq tásilmen daıyndalǵan, A6 formatty, kody, blank nómiri men qorǵalý dárejesi bar qyzǵylt tústi arnaıy reseptilik blankte jazyp beriledi.
Kody osy Qaǵıdalarǵa 6-qosymshaǵa sáıkes Qazaqstan Respýblıkasynyń ákimshilik-aýmaqtyq birliginiń shartty sandyq mánin qamtıdy.
21. Arnaıy reseptilik blankilerdegi reseptiler dárigerdiń óz qolymen jazylady, densaýlyq saqtaý uıymynyń mórtabanymen, mórimen, dárigerdiń jeke mórimen, dárigerdiń qolymen, densaýlyq saqtaý uıymynyń bas dárigeriniń nemese onyń orynbasarynyń qolymen kýálandyrylady. Reseptide ýchaskeniń nómiri, medısınalyq qujattamanyń nómiri, reseptini jazyp bergen dárigerdiń tegi, aty, ákesiniń aty (bar bolǵan jaǵdaıda), sondaı-aq naýqastyń tegi, aty, ákesiniń aty (bar bolǵan jaǵdaıda), jasy men turǵylyqty mekenjaıy kórsetiledi.
Arnaıy reseptilik blankilerdiń túbirtekteri reseptke sáıkes toltyrylady jáne densaýlyq saqtaý uıymdarynda olardyń saqtalýyna jaýapty adamda saqtalady.
22. Reseptiniń mazmuny, arnaıy reseptilik blankiniń serııasy men nómiri naýqastyń medısınalyq qujattamasyna engiziledi.
23. Quramynda Tizimniń II, III, IV kestelerindegi esirtki, psıhotroptyq zattar bar dárilik zattardyń reseptilerin tegin nemese jeńildik jaǵdaılarda jazyp berý kezinde reseptilik blankige qosymsha tegin nemese jeńildikti bosatý reseptisi jazyp beriledi. Jazyp berilgen reseptiler osy Qaǵıdalarǵa 7-qosymshaǵa sáıkes dárilik zattardy tegin alýǵa jazyp berilgen reseptilerdi tirkeý jýrnalynda tirkeledi.
24. Tizimniń III, IV kestelerindegi quramynda esirtki, psıhotroptyq zattar men prekýrsorlar bar dárilik zattardyń reseptileri «Densaýlyq saqtaý uıymdarynyń bastapqy medısınalyq qujattama nysandaryn bekitý týraly» Qazaqstan Respýblıkasy Densaýlyq saqtaý mınıstriniń mindetin atqrýshynyń 2010 jylǵy 23 qarashadaǵy № 907 buıryǵymen (budan ári – № 907 buıryq) bekitilgen № 130/e nysany boıynsha belgilengen úlgidegi reseptilik blankterde jazylyp beriledi (Qazaqstan Respýblıkasynyń normatıvtik quqyqtyq aktilerdi memlekettik tirkeý tiziliminde № 6697 bolyp tirkelgen).
25. Kóp komponentti dárilik nysandardyń quramyna kiretin quramynda esirtki, psıhotroptyq zattar men prekýrsorlar bar dárilik zattardyń ataýy reseptide birinshi jazylady, sosyn barlyq qalǵan ıngredıentteri kórsetiledi.
26. Joǵary bir rettik qabyldaýdan asatyn dozadaǵy quramynda esirtki, psıhotroptyq zattar men prekýrsorlar bar dárilik zattardyń reseptilerin jazyp bergen kezde dárilik zattyń dozasy jazýmen jazylady jáne lep belgisi qoıylady.
Dáriger bul talapty saqtamaǵan jaǵdaıda farmasevtıka qyzmetkeri jazyp berilgen dárilik zattyń joǵary bir rettik dozasynyń jartysyn beredi.
27. Osy Qaǵıdalarǵa 8-qosymshaǵa sáıkes, bir reseptýralyq blankide quramynda esirtki, psıhotroptyq zattar men prekýrsorlar bar dárilik zattardy bir reseptige jazyp berýdiń jáne bosatýdyń ruqsat etilgen shekti normalarynan aspaıtyn mólsherde Tizimniń II, III, IV kestelerindegi esirtki, psıhotroptyq zattar men prekýrsorlardyń bir ǵana ataýy jazylady.
28. Inkýrabeldi onkologııalyq (gematologııalyq) naýqastardy emdeý úshin quramynda Tizimniń II, III, IV kestelerindegi esirtki, psıhotroptyq zattar bar dárilik zattardyń bir reseptide jazyp berilgen mólsheri 2 esege ulǵaıýy múmkin. Dárilik zattyń mólsheri jazýmen jazylady jáne lep belgisi qoıylady.
Erekshe jaǵdaılarda medısınalyq aıǵaqtary boıynsha ınkýrabeldi naýqasqa arnalǵan dárilik zat 5-10 kún emdeýge qajetti mólsherde birneshe reseptide, biraq osy Qaǵıdalarǵa 8-qosymshada kórsetilgen ruqsat etilgen normalardan asyrmaı jazyp berilýi múmkin.
Kózge arnalǵan dárilik nysandarda sozylmaly naýqastarǵa bir reseptide jazyp berilgen etılmorfın gıdrohlorıdiniń mólsherin bosatý normasynan bes esege deıin ulǵaıtýǵa ruqsat etiledi.
29. Sozylmaly aýrýlary bar naýqastarǵa quramynda Tizimniń III, IV kestelerindegi esirtki, psıhotroptyq zattar men prekýrsorlar bar dárilik zattardyń reseptilerin merzimi bir aıǵa deıingi emdeý kýrsyna jazyp berýge ruqsat beriledi. Bul jaǵdaılarda reseptýralyq blankide «Arnaıy taǵaıyndaý boıynsha» dep kórsetiledi. «Arnaıy taǵaıyndaý boıynsha» degen nusqaýdy dárigerdiń ózi jazady, qolymen jáne jeke mórimen rastaıdy.
30. Quramynda Tizim kestelerindegi esirtki, psıhotroptyq zattar men prekýrsorlar bar dárilik zattardyń reseptileri resept berilgen sátten bastap kúntizbelik 15 kún ishinde jaramdy.
31. Reseptiler blankide qarastyrylǵan barlyq baǵandary mindetti túrde toltyrylyp, anyq jazylady. Reseptide túzetýlerge jol berilmeıdi.
32. Dárilik zattardy qoldaný tásili memlekettik nemese orys tilinde dozasy, qabyldaý jıiligi men uzaqtyǵy kórsetilip, belgilenedi. Jalpy nusqaýlarmen shektelýge jol berilmeıdi.
33. Reseptilerdi jazý jáne berý kezinde:
1) Qazaqstan Respýblıkasynyń dárilik zattardyń, medısınalyq maqsattaǵy buıymdar men medısınalyq tehnıkanyń memlekettik tiziliminde tirkelmegen jáne Qazaqstan Respýblıkasynda qoldanýǵa ruqsat etilmegen dárilik zattarǵa resept jazyp berýge;
2) nashaqorlyqqa shaldyqqan naýqastarǵa quramynda Tizimniń II kestesindegi esirtki, psıhotroptyq zattar bar dárilik zattardy jazyp berýge;
3) ambýlatorııalyq naýqastarǵa etıl efırin, sondaı-aq fentanıldiń ıneksııalyq eritindilerine reseptiler jazyp berýge jáne bosatýǵa;
4) bir reseptilik blankige quramynda esirtki, psıhotroptyq zattar men prekýrsorlar bar dárilik zattardy osy Qaǵıdalarǵa 8-qosymshada kórsetilgen mólsherden artyq jazyp berýge jáne bosatýǵa;
5) reseptide jazyp berilgen esirtki, psıhotroptyq zattar men prekýrsorlardyń daıyndalý nysany quramynan bólek zattardy bosatýǵa jol berilmeıdi.
34. Joǵaryda sanamalanǵan talaptarǵa sáıkes kelmeıtin resepti jaramsyz bolyp tabylady jáne «Resept jaramsyz» degen mórtabanmen jabylady, № 907 buıryqpen bekitilgen № 134/e nysany boıynsha durys jazylmaǵan reseptilerdi esepke alý jýrnalynda tirkeledi, odan keıin naýqasqa qaıtarylyp beriledi. Durys jazylmaǵan reseptilerdi esepke alý jýrnaly nómirlengen, tigilgen jáne basshynyń qolymen jáne dárihana uıymynyń mórimen bekitilýi tıis.
Durys jazylyp berilmegen reseptiler týraly aqparatjazyp berilgen reseptide qate tabylǵan sátten bastap bir kún ishinde tıisti densaýlyq saqtaý uıymynyń basshysyna tapsyrylady.
Resept jazyp bergen adam, naýqas qaıta júgingen sátte onyń tıisinshe resimdelýin qamtamasyz etedi.
35. Quramynda Tizimniń II kestesindegi esirtki, psıhotroptyq zattar bar dárilik zattardyń reseptileri olar jazylǵan respýblıkanyń ákimshilik-aýmaqtyq birligi sheginde, Tizimniń III, IV kestelerindegi dárilik zattaryna jazylǵan reseptiler Qazaqstan Respýblıkasynyń barlyq aýmaǵynda jaramdy.
36. Dárihana uıymdarynan quramynda esirtki, psıhotroptyq zattar men prekýrsorlar bar dárilik zattar:
1) osy Qaǵıdalarǵa 9-qosymshaǵa sáıkes senimhat negizinde esirtki, psıhotroptyq zattarǵa jáne prekýrsorlarǵa qoıylatyn talaptar boıynsha densaýlyq saqtaý júıesinde esirtki, psıhotroptyq zattar men prekýrsorlar aınalymy salasynda jumys isteýge quqyǵyna lısenzııasy bar zańdy tulǵalarǵa;
2) ólshengen 3,0 jáne 5,0 gramm kalıı permanganatyn qospaǵanda, dárigerdiń reseptisi boıynsha halyqqa beriledi.
37. Densaýlyq saqtaý uıymdarynyń esirtki, psıhotroptyq zattar men prekýrsorlardy alýǵa talaptary basqa dárilik zattarǵa qoıylatyn talaptardan bólek latyn nemese orys tilinde olardyń sany jazýmen kórsetilip jazylady, densaýlyq saqtaý uıymy basshysynyń nemese onyń orynbasarynyń qolymen kýálandyrylady jáne uıymnyń mórimen bekitiledi.
38. Inkýrabeldi onkologııalyq naýqastarǵa quramynda Tizimniń II kestesindegi esirtki, psıhotroptyq zattar bar dárilik zattardy bosatý densaýlyq saqtaý uıymynyń basshysy usynǵan, onyń qolymen jáne densaýlyq saqtaý uıymynyń mórimen kýálandyrylǵan bekitý tizimine sáıkes tegin medısınalyq kómektiń kepildik berilgen kólemi sheńberinde farmasevtıkalyq qyzmet kórsetetin dárihanalar júzege asyrady.
Bekitý tiziminde naýqastyń tegi, aty, ákesiniń aty (bar bolsa) jáne mekenjaıy, reseptini jazýǵa jaýapty dárigerdiń tegi, aty, ákesiniń aty (bar bolsa) kórsetiledi. Bekitý tizimi dárihanaǵa jarty jylda bir ret beriledi.
Densaýlyq saqtaý uıymy dárihanaǵa Tizimniń II kestesindegi dárilik zattarǵa resept jazyp berýge quqyǵy bar dárigerlerdiń tizimin, densaýlyq saqtaý uıymynyń birinshi basshysynyń qolymen jáne mórimen kýálandyrylǵan olardyń qoldary men jeke mórleriniń úlgilerin usynady.
39. Naýqasqa quramynda esirtki, psıhotroptyq zattar men prekýrsorlar bar dárilik zattardy bosatý kezinde reseptiniń kelesi betinde bosatylǵan dárilik zattyń ataýy, sany, ýaqyty jáne berýshiniń qoly kórsetiledi.
40. Naýqasqa quramynda esirtki, psıhotroptyq zattar men prekýrsorlar bar dárilik zattardy bosatý kezinde reseptiniń ornyna reseptige jáne zaýyttyq tańbalanýyna (óndirýshi zaýyt, eli, serııa nómiri (partııasy)) tolyǵymen sáıkes keletin málimetteri bar, dıagonaly boıynsha (sol jaqtan oń jaqqa) sary jolaǵy bar osy Qaǵıdalarǵa 10-qosymshaǵa sáıkes nysanda sıgnatýra beriledi. Sıgnatýra dárini bergen farmasevtıka qyzmetkeriniń qolymen kýálandyrylady, sondaı-aq dárihana uıymynyń mórimen rastalady.
41. Densaýlyq saqtaý uıymdaryna Tizimniń II, III, IV kestelerindegi dárilik zattardy berý alynatyn zattardyń ataýyn, dozasyn, konsentrasııasyn, dárilik nysany men sanyn jazyp kórsete otyryp, jeke senimhat boıynsha júrgiziledi. Senimhattyń qoldanys merzimi 10 kúnnen aspaýy tıis.
5-paragraf. Quramynda esirtki, psıhotroptyq zattar men prekýrsorlar bar dárilik
zattardy saqtaý jáne esepke alý tártibi
42. Esirtki, psıhotroptyq zattar men prekýrsorlardy saqtaıtyn úı-jaıǵa (budan ári – saqtaý úı-jaıy) olarmen jumys jasaýǵa ruqsat berilgen adamdar kiredi.
43. Esirtki, psıhotroptyq zattar jáne prekýrsorlarmen jumys isteýge nashaqorlyq, ýytqumarlyq, sozylmaly maskúnemdik aýrýlarynyń joq ekenin, sondaı-aq esirtki, psıhotroptyq zattar jáne prekýrsorlarmen baılanysty jumys isteýge jaramdylyǵy týraly psıhıatr men narkolog dárigerlerdiń qorytyndylary jáne tıisti tekserý júrgizý jónindegi ishki ister organdarynyń qorytyndysy bar adamdarǵa ruqsat etiledi. Esirtki, psıhotroptyq zattar jáne prekýrsorlarmen jumys isteýge ruqsat etilgen adamdardyń tizimi densaýlyq saqtaý uıymy basshysynyń buıryǵymen úsh jylda bir ret bekitiledi.
Esirtki, psıhotroptyq zattar jáne prekýrsorlarmen jumys isteýge ruqsat berilgen adamdardyń quramy ózgergen jaǵdaıda Adamdardyń tizimine tıisti ózgerister men tolyqtyrýlar engiziledi.
44. Densaýlyq saqtaý uıymdarynda, saqtaýǵa arnalǵan oryndarda jáne kezekshi dárigerler men meıirgerlerdiń postylaryndaǵy seıf, shkaf esiginiń ishki jaǵynda quramynda esirtki, psıhotroptyq zattar men prekýrsorlar bar dárilik zattardyń joǵary bir rettik jáne táýliktik dozalarynyń kesteleri, sondaı-aq olarmen ýlanǵan kezdegi ý qaıtarǵylar kestesi kórsetilgen tizbe ilinedi.
45. Saqtaýǵa arnalǵan úı-jaı, seıfter men shkaftar jabyq turýy tıis. Jumys kúni aıaqtalǵannan keıin olar mórlenedi jáne (nemese) plomba qoıylady. Kiltteri, móri jáne (nemese) plombır jaýapty adamda (budan ári - jaýapty adam) saqtalady.
46. Quramynda Tizimniń II, III, IV kestelerindegi esirtki, psıhotroptyq zattar men prekýrsorlar bar dárilik zattardyń kirisi men shyǵysy boıynsha barlyq qujattar (shot-faktýralar, júkqujattar, senimhattar, reseptiler, talaptar) aıy men jyly boıynsha tigilip, mórlenip jaýapty adamda, olardyń saqtalýyn qamtamasyz etý shartymen seıfterde nemese metall shkaftarda saqtaýǵa arnalǵan úı-jaılarda saqtalady.
47. Quramynda Tizimniń II kestesindegi esirtki, psıhotroptyq zattar bar dárilik zattardyń kirisi men shyǵysy jónindegi qujattar bes jyl boıy, quramynda Tizimniń III, IV kestelerindegi esirtki, psıhotroptyq zattar men prekýrsorlar bar dárilik zattardyń kirisi men shyǵysy jónindegi qujattar aǵymdaǵyny sanamaǵanda bir jyl boıy saqtalady. Saqtaý merzimi ótkennen keıin, qujattar, osy uıymnyń basshysy taǵaıyndaǵan turaqty jumys isteıtin komıssııanyń qatysýymen órteý arqyly joıylady.
48. Saqtaý úı-jaıynan quramynda esirtki, psıhotroptyq zattar men prekýrsorlar bar dárilik zattardy berýdi jaýapty adam ǵana júzege asyrady.
49. Dárihanalardaǵy assıstenttik bólmede Tizimniń II kestesindegi esirtki, psıhotroptyq zattarynyń qory bes kúndik qajettilikten, densaýlyq saqtaý uıymdarynyń bólimshelerinde (kabınetterinde) - úsh kúndik qajettilikten, dárihanalardyń saqtaý úı-jaılarynda - mereke jáne demalys kúnderin qospaǵanda, otyz kúndik qajettilikten aspaıdy.
50. Stasıonarlyq kómek kórsetetin medısınalyq uıymynda keshki jáne túngi ýaqytta shuǵyl medısınalyq kómek kórsetý úshin quramynda Tizimniń II Kestesindegi esirtki, psıhotroptyq zattar bar dárilik zattardyń bes kúnnen aspaıtyn qorynyń tizimi densaýlyq saqtaý uıymy basshysynyń buıryǵymen aıqyndalady, ony jaýapty kezekshi dárigerdiń ruqsatymen paıdalanady.
51. Medısınalyq saraptama qyzmetin júzege asyratyn densaýlyq saqtaý uıymdarynda synaýdan (taldaýdan) qalǵan quramynda esirtki, psıhotroptyq zattar men prekýrsorlar bar dárilik zattar úsh aı saqtalady, odan keıin ótinish berýshige qaıtarylady. Dárilik zattardy qaıtarý faktisi dárilik zattardy qaıtarý týraly tıisti aktimen (erkin nysandaǵy) resimdeledi.
52. Quramynda esirtki, psıhotroptyq zattar men prekýrsorlar bar jaramsyz dárilik zattar, sondaı-aq synaqtardan (taldaýdan) keıin qalǵan qaldyqtar joıylýy tıis.
53. Densaýlyq saqtaý uıymdarynda quramynda esirtki, psıhotroptyq zattar men prekýrsorlar bar dárilik zattar nómirlengen, tigilgen, densaýlyq saqtaý uıymdary men Komıtettiń aýmaqtyq bólimsheleri basshylarynyń móri men qoldary qoıylǵan, osy Qaǵıdalarǵa 11-qosymshaǵa sáıkes dárihana qoımalaryndaǵy esirtkini, psıhotroptyq zattar men prekýrsorlardy esepke alý, 12-qosymshaǵa sáıkes bólimshelerde jáne kabınetterdegi quramynda esirtki, psıhotroptyq zattar men prekýrsorlar bar dárilik zattardy esepke alý, 13-qosymshaǵa sáıkes dárihanada zattyq-sandyq esepke alýǵa jatatyn esirtkini, psıhotroptyq zattar men prekýrsorlardy esepke alý, 14-qosymshaǵa sáıkes meıirgerler posttaryndaǵy quramynda esirtki, psıhotroptyq zattar men prekýrsorlar bar dárilik zattardy esepke alý jýrnaldarynda zattyq-sandyq esepke alýǵa jatady.
54. Ǵylymı-zertteý ınstıtýttarynda, oqý oryndarynda, synaq zerthanalarynda (ortalyqtarynda) quramynda esirtki, psıhotroptyq zattar men prekýrsorlar bar dárilik zattar men reaktıvter osy Qaǵıdalarǵa 15-qosymshaǵa sáıkes synaq zerthanasyna (ortalyqqa) taldaý úshin kelip túsken quramynda esirtki, psıhotroptyq zattar men prekýrsorlar bar dárilik zattardy esepke alý, 16-qosymshaǵa sáıkes densaýlyq saqtaý salasyndaǵy ǵylymı uıymdar men bilim berý uıymdarynda esirtkini, psıhotroptyq zattar men prekýrsorlardy esepke alý jýrnaldarynda zattyq-sandyq esepke alýǵa jatady.
55. Esepke alý jýrnalynyń birinshi betinde zattyq-sandyq esepke alynatyn dárilik zattardyń tizbesi kórsetiledi. Dárilik zattyń árbir dárilik nysany, dozasy, qaptalýy úshin jeke paraq (kelesi beti) bólinedi, onda dárilik zattyń ataýy, dárilik nysany, dozasy, ólshem birligi, jýrnaldy toltyrýǵa jaýapty adamnyń tegi men aty-jóni kórsetiledi. Kelip túsken nómiri men kúni kórsetilip, árbir kiris qujaty boıynsha jazylady. Shyǵyny kúndik qorytyndysymen jazylady (kúndelikti jazbalar). Esepke alý jýrnaly bir jyl boıy jaramdy.
56. Jaýapty adam ár aıdyń birinshi kúninde osy Qaǵıdalarǵa 17-qosymshaǵa sáıkes nysan boıynsha esirtkini, psıhotroptyq zattar men prekýrsorlardy salystyryp tekserý aktisin qurastyra otyryp, quramynda esirtki, psıhotroptyq zattar men prekýrsorlar bar dárilik zattardyń naqty bar-joǵyn kitaptaǵy qaldyqpen salystyryp tekseredi.
57. Kórsetilgen zattardy túgendeýde árbir túgendeý vedomosy boıynsha naqty qaldyqtar anyqtalady.
58. Naqty qaldyqtardyń kitaptaǵy qaldyqtardan aıyrmashylyǵy anyqtalǵan jaǵdaıda, bul týraly densaýlyq saqtaý uıymynyń basshysy bir táýliktiń ishinde Komıtettiń aýmaqtyq bólimshesine jáne ishki ister organyna habarlaıdy.
6-paragraf. Arnaıy reseptilik blankiler men olardyń talaptaryn saqtaý,
bólý, bosatý, esepke alý jáne joıý
59. Densaýlyq saqtaý uıymdaryn densaýlyq saqtaýdy memlekettik basqarýdyń jergilikti organdary arnaıy reseptilik blankilermen qamtamasyz etedi.
60. Arnaıy reseptilik blankilerdi berý blankiniń sanyn (jazýmen), kody men nómirin kórsete otyryp senimhat boıynsha júzege asyrylady.
61. Arnaıy reseptilik blankilerdi alýǵa beriletin senimhattyń qoldanylý merzimi 10 kún (shalǵaıdaǵy aýdandardyń densaýlyq saqtaý uıymdary úshin 30 kúnnen aspaýy tıis).
62. Densaýlyq saqtaý uıymdarynyń arnaıy reseptilik blankilerge talaptary osy Qaǵıdalarǵa 18-qosymshaǵa sáıkes nysan boıynsha resimdeledi.
63. Arnaıy reseptilik blankiler densaýlyq saqtaý uıymyna túsken kezde alynǵan kólemniń ilespe qujattarǵa sáıkestigin tekseretin osy uıymnyń basshysy taǵaıyndaǵan komıssııa qabyldap alady.
64. Densaýlyq saqtaý uıymynda arnaıy reseptilik blankilerdi saqtaýǵa jáne berýge jaýapty adam taǵaıyndalady.
65. Arnaıy reseptilik blankiler, sondaı-aq olardyń kirisi men shyǵysy boıynsha qujattar seıfterde nemese metall shkaftarda saqtalady. Jumystyń sońynda bólme mórlenedi jáne (nemese) plomba salynady. Bólmeniń kiltteri, mór jáne (nemese) plombır jaýapty adamda saqtalady.
66. Densaýlyq saqtaý uıymyndaǵy arnaıy reseptilik blankilerdiń qory ortasha aılyq qajettilikten aspaıdy. Qajettilikti bekitilgen halyqty eskere otyryp, densaýlyq saqtaý uıymy aıqyndaıdy.
67. Emdeýshi dárigerge arnaıy reseptilik blankiler densaýlyq saqtaý uıymy basshynyń orynbasarynyń ruqsatymen naqty bir naýqas úshin beriledi.
68. Arnaıy reseptilik blankiler zattyq-sandyq esepke alýǵa jatady.
69. Arnaıy reseptilik blankilerdi esepke alý kitaby osy Qaǵıdalarǵa 19-qosymshaǵa sáıkes nysan boıynsha kúntizbelik bir jylǵa jasalady. Esepke alý kitaby nómirlenedi, tigiledi, densaýlyq saqtaý uıymnyń mórimen jáne basshysynyń qolymen bekitiledi.
70. Ár aıdyń birinshi kúni materıaldyq jaýapty adam arnaıy reseptilik blankilerdiń naqty sanyn kitaptaǵy qaldyqpen salystyryp tekseredi, bul týraly osy Qaǵıdalarǵa 20-qosymshaǵa sáıkes nysan boıynsha arnaıy reseptilik blankilerdi salystyrp tekserý aktisi jasalady.
Salystyrý nátıjeleri boıynsha aıyrmashylyqtar anyqtalǵan jaǵdaıda, densaýlyq saqtaý uıymynyń basshysy bir táýliktiń ishinde bul týraly Komıtettiń aýmaqtyq bólimshesine habarlaıdy.
71. Arnaıy reseptilik blankilerdi esepke alý kitaby oǵan qatysty barlyq kiris boıynsha jumsalǵan shyǵys qujattarymen, seıfte nemese metall shkaftarda aǵymdaǵyny sanamaǵanda, bes jyl boıy saqtalady.
72. Arnaıy reseptilik blankilerdiń kirisi men shyǵysy boıynsha barlyq qujattar (shot-faktýralar, júkqujattar, talaptar, senimhattar) olardyń saqtalýyna kepildik berý shartymen saqtalady. Qujattar aılary men jyldary boıynsha tigiledi.
73. Densaýlyq saqtaý uıymynyń basshysy úıde qaıtys bolǵan naýqastardan qalǵan, paıdalanylmaǵan arnaıy reseptilerdi qabyldaý men esepke alýdy naýqas qaıtys bolǵannan keıin kúntizbelik on kún ishinde uıymdastyrady.
Úıde qaıtys bolǵan onkologııamen aýyrǵan naýqastardyń týystarynan arnaıy reseptilik blankilerge jazyp berilgen, paıdalanylmaǵan reseptilerdi qabyldaý osy Qaǵıdalarǵa 21-qosymshaǵa sáıkes nysan boıynsha arnaıy reseptilik blankilerde jazyp berilgen reseptilerdi qabyldaý-berý aktisimen resimdeledi.
74. Qaıtys bolǵan naýqastardyń týystary tapsyrǵan, paıdalanylmaǵan arnaıy reseptiler sany osy Qaǵıdalarǵa 22-qosymshaǵa sáıkes nysan boıynsha qaıtys bolǵan naýqastyń týystary tapsyrǵan arnaıy reseptilik blankilerde jazyp berilgen paıdalanylmaǵan reseptilerdi esepke alýdyń arnaıy jýrnalynda tirkeledi.
75. Qaıtys bolǵan naýqastardyń týystary tapsyrǵan, paıdalanylmaǵan arnaıy reseptiler keıinnen joıylý shartymen saqtalýy tıis. Reseptilerdi joıý reseptilerdiń jınalýyna qaraı, biraq aıyna 1 retten kem emes, quramyna ishki ister organynyń ókili kiretin turaqty jumys isteıtin komıssııanyń qatysýymen órteý arqyly júrgiziledi. Paıdalanylmaǵan arnaıy reseptilerdi joıý faktisi tıisti aktimen resimdeledi.
7-paragraf. Quramynda esirtki, psıhotroptyq zattar men prekýrsorlar bar dárilik zattardy joıý
76. Stasıonarlyq medısınalyq kómek kórsetetin densaýlyq saqtaý uıymdarynda quramynda Tizimniń II Kestesindegi esirtki, psıhotroptyq zattar bar dárilik zattardyń bos ampýlalary, ishindegileri paıdalanylmaǵan nemese ishinara paıdalanylǵan ampýlalar, sondaı-aq tabletkalar men plastyrler (transdermaldi terapııalyq júıeler) jınaýǵa jáne joıylýǵa jatady.
77. Densaýlyq saqtaý uıymy úıde qaıtys bolǵan naýqastardan qalǵan quramynda Tizimniń II kestesindegi esirtki, psıhotroptyq zattar bar paıdalanylmaǵan dárilik zattardy qabyldaýdy jáne esepke alýdy uıymdastyrady.
78. Densaýlyq saqtaý uıymynyń buıryǵymen qaıtys bolǵany týraly ýaqytsha anyqtamany resimdeýge jaýapty medısına qyzmetkerine qaıtys bolǵan onkologııalyq aýrýlary bar naýqastyń týystaryna paıdalanylmaǵan arnaıy reseptilik blankilerdi jáne quramynda Tizimniń II kestesindegi esirtki, psıhotroptyq zattar bar dárilik zattardy tapsyrý týraly aýyzsha habarlaý, sondaı-aq úıde qaıtys bolǵan naýqastan qalǵan arnaıy reseptilik blankilerdi jáne quramynda Tizimniń II Kestesindegi esirtki, psıhotroptyq zattar bar paıdalanylmaǵan dárilik zattardy qabyldap alý júkteledi. Qabyldaý osy Qaǵıdalarǵa 23-qosymshaǵa sáıkes nysan boıynsha naýqas qaıtys bolǵannan keıin qalǵan quramynda esirtki, psıhotroptyq zattar men prekýrsorlar bar dárilik zattardy qabyldaý-berý aktisimen resimdeledi.
79. Densaýlyq saqtaý uıymy ambýlatorııalyq kartada jazylǵan dárilik zattyń shyǵynyn kezekti reseptini alǵan kúnnen bastap tekserip salystyrady. Tapsyrylǵan dárilik preparattardyń sany, olardyń ataýy men dárilik nysandary (ampýlalar, tabletkalar, untaqtar, plastyrler (transdermaldi terapııalyq júıeler) jáne basqalar) nómirlengen, tigilgen, uıymnyń móri jáne basshynyń qoly qoıylǵan, osy Qaǵıdalarǵa 24-qosymshaǵa sáıkes, qaıtys bolǵan naýqastardyń týystary tapsyrǵan, paıdalanylmaǵan Tizimniń II kestesindegi esirtki, psıhotroptyq zattardy esepke alý jýrnalynda tirkeledi.
80. Tapsyrylǵan dárilik zattar basqa dárilik zattardan bólek mór basylǵan jáne (nemese) plomba salynǵan seıfte olar joıylǵanǵa deıin saqtalady. Mór jáne (nemese) plombır jaýapty adamda saqtalady.
81. Quramynda Tizimniń II kestesindegi esirtki, psıhotroptyq zattar men prekýrsorlar bar jaramdylyq merzimi ótken, qaıtys bolǵan naýqastardyń týystary ótkizgen, sondaı-aq synǵan, aqaýy bar dárilik zattardy, bos ampýlalar, tabletkalar men plastyrler (transdermaldi terapııalyq júıelerdi), sondaı-aq ishindegileri ishinara paıdalanylǵan ampýlalar, tabletkalar men plastyrlerdi (transdermaldi terapııalyq júıelerdi) joıý úshin densaýlyq saqtaý uıymy basshysynyń buıryǵymen ishki ister organdary men halyqtyń sanıtarııalyq-epıdemıologııalyq salaýattylyǵy salasyndaǵy memlekettik organnyń aýmaqtyq bólimsheleriniń qyzmet ókilderi kiretin turaqty jumys isteıtin komıssııa qurylady.
82. Quramynda Tizimniń II kestesindegi esirtki, psıhotroptyq zattar bar dárilik zattardyń jınalýyna qaraı, ár aıdyń otyzynshy kúninen keshiktirmeı densaýlyq saqtaý uıymy janyndaǵy turaqty jumys isteıtin komıssııanyń qatysýymen: untaqtar men tabletkalardy, plastyrlerdi (transdermaldi terapııalyq júıelerdi) órteý, ampýladaǵy dárilik zattardy janshý jolymen joıý júrgiziledi.
83. Dárilik zattardyń, medısınalyq maqsattaǵy buıymdardyń jáne medısınalyq tehnıkanyń aınalysy salasyndaǵy obektilerde Tizimniń II, III, IV kestelerindegi esirtki, psıhotroptyq zattar men prekýrsorlar bar qoldaný merzimi ótken, synǵan, aqaýy bar dárilik zattardy joıý úshin uıym basshysynyń buıryǵymen quramyna uıymnyń basshysy men jaýapty adam, ishki ister organdarynyń, Komıtettiń aýmaqtyq bólimsheleri men halyqtyń sanıtarııalyq-epıdemıologııalyq salaýattylyǵy salasyndaǵy memlekettik organnyń aýmaqtyq bólimsheleriniń ókilderi kiretin turaqty jumys isteıtin komıssııa qurylady.
84. Joıý faktisi osy Qaǵıdalarǵa 25-qosymshaǵa sáıkes nysan boıynsha densaýlyq saqtaý uıymdarynda paıdalanylǵan jáne ishinara paıdalanylǵan ampýlalardy joıý, 26-qosymshaǵa sáıkes nysan boıynsha qaıtys bolǵan naýqastardyń týystary tapsyrǵan Tizimniń II kestesindegi esirtki, psıhotroptyq zattar men prekýrsorlardy joıý, 27-qosymshaǵa sáıkes nysan boıynsha dárihanalyq uıymda Qazaqstan Respýblıkasynda baqylaýdaǵy quramynda esirtki, psıhotroptyq zattar men prekýrsorlar bar dárilik zattardy joıý aktilerimen resimdeledi.
85. Esepke alý jýrnalynda dárilik zattyń árbir ataýy boıynsha joıylǵan kúni, sondaı-aq onyń sany men joıý tásili týraly belgi qoıylady.
Qazaqstan Respýblıkasynda baqylaý jasalýǵa jatatyn esirtkini, psıhotroptyq zattar men prekýrsorlardy medısınalyq maqsattarda paıdalaný qaǵıdalaryna 1-qosymsha
Quramynda esirtkisi bar dárilik zattardyń 1000 adamǵa shaqqandaǵy halyqtyń bir jylǵa arnalǵan qajettiligin esepteý normatıvteri (grammen)
R/s № Dárilik zattyń ataýy 1000 adamǵa sh