Buqar jyraý aýdanyna qarasty Botaqara kentinde kezekte turǵan azamattarǵa arnalǵan jańa turǵyn úı paıdalanýǵa berildi. Eksklıýzıvti joba aıasynda salynǵan eki qabatty kirpish úı áleýmettik osal sanattaǵy 12 otbasyǵa usynylady, dep habarlaıdy Egemen.kz.
Turǵyn úı ortalyq jylý júıesine qosylǵan, balalar oıyn alańy bar jáne múmkindigi shekteýli azamattarǵa beıimdelgen. Páterler qonystanýǵa tolyq daıyn, árqaısysy kodty elektrondy qulyptarmen jabdyqtalǵan. Edeni taıǵanamaıtyn keramogranıtten tóselgen. Úıdiń sáýleti ulttyq oıý-órnekpen árlengen.
Zeınetaqy jınaǵyn turǵyn úı satyp alýǵa paıdalaný tártibi ózgertildi
Turǵyn úı jeke ınvestısııa esebinen salynǵan, keıin qoldanystaǵy zańnamaǵa sáıkes aýdandyq ákimdik satyp alǵan. Qonystanýshylar tizimi «Otbasy bank» arqyly júzege asady.
Endi turǵyn úıde úlesi bar azamattar jeńildetilgen ıpoteka ala alady
Buqar jyraý aýdany ákiminiń orynbasary Berik Kópbaevtyń málimetinshe, bıýdjet qarajaty esebinen Botaqara, Ǵ.Mustafın kentterinde jáne Samarqand, Doskeı, Baıqadam, Novoýzenka aýyldarynda barlyǵy 48 páter satyp alynǵan. Barlyq úıler qurylys talaptaryna saı.
Qurylys kompanııasynyń basshysy Abzal Seksenbaev bul joba týǵan ólkege qosqan úles ekenin atap ótti. Bıylǵy jyly aýdanda kezekte turǵan azamattardy taǵy da baspanamen qamtý josparlanǵan.
Qyzylordalyqtar jańa jyl qarsańynda jańa páter kiltin aldy