Áleýmettik jelide balabaqshadaǵy búldirshinderdi ınemen qorqytqan tárbıeshiniń áreketi taspalanǵan vıdeo keń tarap ketti. Beınejazbaǵa qatysty Shymkent qalalyq polısııa departamenti túsinikteme berdi, dep jazady Egemen.kz.
Oqıǵa Shymkenttegi Turan aýdanynda ornalasqan №59 «Aısha» bóbekjaı-balabaqshasynyń «Báıterek» mektepaldy tobynda bolǵan. Beınebaqylaý kamerasynan alynǵan kadrlarda tárbıeshiniń qolynda shprıske uqsas ıne ustap, balalardy qorqytqany túsirilgen.
Sondaı-aq mektepaldy toptaǵy tárbıelenýshilerge psıhologııalyq jáne fızıkalyq qysym kórsetilgeni de anyqtalǵan.
Pavlodarda tárbıeshi balalarǵa qatygezdik kórsetken
Qalalyq bilim basqarmasy oqıǵadan keıin shuǵyl túrde vedomstvoaralyq keńes ótkenin habarlady.
«Keńeske prokýratýra, polısııa, bilim jáne densaýlyq saqtaý salalarynyń ókilderi, balabaqsha ákimshiligi men ata-analar qatysty. Jıynda balalardyń qaýipsizdigin qamtamasyz etýge baǵyttalǵan naqty sharalar talqylandy», delingen basqarma taratqan habarlamada.
Shymkentte balany urǵan tárbıeshi qamaýǵa alyndy
Al qalalyq polısııa departamenti bolǵan oqıǵaǵa kúdikti tárbıeshiniń ústinen qylmystyq is qozǵalǵanyn habarlady. Quzyrly organ tergeý amaldary barysynda balabaqsha basshylyǵyn ýaqytsha qyzmetten shettetý jáne tárbıeshini jumystan bosatý jóninde usynys engizgen.
Balabaqshadaǵy tárbıeshiler qatygezdigi qashan tyıylady?