Qazaqstan Konstıtýsııasyna belgili bir aýmaqtarǵa qarjy salasynda arnaıy quqyqtyq rejım engizý nemese «jyldam damý qalalary» dep atalatyn qalalardy qurý múmkindigin qarastyratyn normany engizý usynylyp jatyr. Bul týraly Konstıtýsııalyq komıssııanyń tórtinshi otyrysynda Konstıtýsııalyq Sot tóraǵasynyń orynbasary Baqyt Nurmuhanov málimdedi, dep habarlaıdy Egemen.kz.
Onyń aıtýynsha, bul Astanadaǵy Halyqaralyq qarjy ortalyǵynyń qyzmeti jáne Alataý qalasyn damytýǵa qatysty. Atalǵan sharalar respýblıkanyń tıimdi ekonomıkalyq damýyn qamtamasyz etýge baǵyttalǵan.
Konstıtýsııalyq reforma: Ata zań mátininiń 84%-y ózgeredi
Bul rette, Baqyt Nurmuhanov usynylyp otyrǵan normany Konstıtýsııanyń negizgi erejelerimen tyǵyz baılanysta qarastyrý qajettigin atap ótti. Atalǵan erejelerge sáıkes eldiń ákimshilik-aýmaqtyq qurylymy tek qana Konstıtýsııalyq zańmen anyqtalady.
«Memlekettiń birtutastyǵy, Qazaqstan aýmaǵynyń tutastyǵy, bólinbeıtindigi jáne oǵan qol suǵylmaýshylyǵy týraly norma ózgerissiz qalady», dedi Konstıtýsııalyq sot tóraǵasynyń orynbasary.
Konstıtýsııanyń preambýlasy tolyq jańartylady