Memlekettik qoldaýmen baspana alýǵa úmitker el turǵyndary úshin baspana kezegin túgendeý naýqany aıaqtalýǵa jaqyn. «Otbasy bank» júrgizgen ınventarızasııa nátıjesinde derekter naqtylanyp, qateler men qaıtalanatyn jazbalar túzetildi, dep habarlaıdy Egemen.kz.
Túgendeý jumystary jeńildetilgen ıpoteka men memleketten beriletin jaldamaly turǵyn úıdi jańa qaǵıdalar boıynsha ádil bólý maqsatynda júrgizilgen.
«13 tamyzda bizge 642 myń azamattyń derekqory berildi. Jańa erejeler boıynsha kredıttik jáne jaldamaly turǵyn úıdi bólý úshin 4,5 aı boıy SMS jiberip, qońyraý shalyp, túgendeýden ótý qajettigin eskerttik. Jaqsy jańalyq – 244 myń adam ınventarızasııadan sátti ótti, ıaǵnı barlyq ólshemsharttar sáıkes keledi», dedi «Otbasy bank» basqarma tóraǵasy Lázzat Ibragımova.
Zeınetaqy jınaǵyn turǵyn úı satyp alýǵa paıdalaný tártibi ózgertildi
Tekserý qorytyndysy boıynsha 55 myńnan astam azamattyń turǵyn úı kezegi ýaqytsha toqtatylǵan. Sebebi olardyń jeke menshiginde nemese jubaıymen ortaq menshikte baspanasy bary anyqtalǵan. Mundaı jaǵdaıda azamattar memlekettik turǵyn úı baǵdarlamalaryna qatysa almaıdy.
Sonymen qatar túgendeý barysynda úlestik menshikke ıe azamattardyń da kóp ekeni belgili bolǵan.
«Keıbir adamdarda ájesinen nemese anasynan qalǵan 1/7 úles sııaqty mura bar. Tipti keıbiri ózinde úles baryn bilmegen, ol jekeshelendirý kelisimderi kezinde, kámeletke tolmaǵan shaǵynda rásimdelgen», dedi L.Ibragımova.
Endi turǵyn úıde úlesi bar azamattar jeńildetilgen ıpoteka ala alady
Osy jaıttardy eskere otyryp, bank úlestik menshigi bar azamattardy memlekettik qoldaý baǵdarlamalaryna qatystyrý týraly sheshim qabyldaǵan.
Bir aıda 53 myń mámile jasaldy: Turǵyn úı baǵasy qaı qalalarda qatty kóterildi?