Almatyda Volonterler forýmy bastaldy. Saltanatty jıyndy Memleket basshysynyń ózi ashyp berdi. Qasym-Jomart Toqaev erikti bolýdyń eren eńbek ekenin, Otanǵa qyzmet etýdiń jarqyn úlgisi bolatynyn aıtty. Sonymen qatar halyqaralyq yqpaldastyqty arttyrý mańyzdylyǵyn atap ótti, dep jazady Egemen.kz.
Prezıdent memleketimizdiń BUU-nyń Eriktiler baǵdarlamasyna atsalysyp kele jatqanyn jetkizdi. Bul el azamattaryna jahandyq volonterlik qurylymdarda biregeı tájirıbe jınaqtaýǵa múmkindik beredi. El eriktileri buǵan aldaǵy ýaqytta da qatysa beretinin aıtty.
Memleket basshysy bıznes ókilderin volonterlik qyzmetke qoldaý kórsetýge shaqyrdy
«Tájirıbe almasýǵa jáne halyqaralyq deńgeıdegi volonterlik bastamalardy úılestirýge arnalǵan jańa platformalar qurý qajet dep sanaımyn. Qazaqstan BUU-men qatar ShYU, AО́SShK, TMD sekildi mańyzdy uıymdar aıasynda eriktiler qozǵalysyn damytyp jatyr. Máselen, bıyl bizdiń bastamamyzben Qazaqstanda Táýelsiz Memleketter Dostastyǵyna múshe elder eriktileriniń alǵashqy forýmy ótedi», dedi Prezıdent.
Qazaqstanda volonterler sany 300 myńǵa jetti
Aıta keteıik elimizdegi Halyqaralyq eriktiler jyly «Ornyqty keleshek úshin birge!» uranymen ótip jatyr.
«BUU qoldaýymen Astanada bıyl sáýir aıynda ótetin О́ńirlik ekologııalyq sammıti aıasynda volonterler úshin arnaıy sessııa uıymdastyrý josparlanyp otyr. Bul is-shara ekologııa salasyndaǵy úzdik volonterlik jobalardy júzege asyrýǵa yqpal etpek. Budan bólek, Kaspıı teńizindegi is-qımyl aptalyǵy men Aral mańyndaǵy tabıǵatty qalpyna keltirý jónindegi halyqaralyq volonterlik aptalyq ótkizý kózdelgen. Atalǵan jıyndarǵa túrli memleketterden eriktiler shaqyrylady. Keń baıtaq óńirimizdiń qaıtalanbas ekojúıesin saqtaýǵa baǵyttalǵan bul bastamalardy qoldaımyn», dedi Qasym-Jomart Toqaev.
Prezıdent Úkimetke eriktiler isin damytý boıynsha jańa qujat ázirleýdi tapsyrdy