Astanada Memleket basshysynyń qatysýymen Volonterler forýmy ótti. Forým Qazaqstanda Halyqaralyq eriktiler jylynyń ulttyq bastamasy boldy, dep jazady Egemen.kz.
Is-shara elimizdiń barlyq óńirinen 500-ge jýyq delegatty – volonterlik uıymdardyń ókilderin, BUU Eriktiler baǵdarlamasynyń shtab-páterin jáne belsendi volonterlerdi biriktirdi.
Forým aıasynda eriktiler tájirıbe almasyp, volonterlik qozǵalysty damytý jáne Qazaqstannyń áleýmettik-ekonomıkalyq damýynda volonterliktiń rólin kúsheıtý taqyryptarynda oı almasty.
Memleket basshysy bıznes ókilderin volonterlik qyzmetke qoldaý kórsetýge shaqyrdy
Forýmda volonterlik salasyndaǵy jetistikter usynylyp, salalyq bastamalar talqylandy jáne volonterlik qoǵamdastyqty odan ári damytý boıynsha praktıkalyq usynystar tujyrymdaldy. Is-shara volonterlik qozǵalysty damytýdyń biryńǵaı vektoryn ázirleýge, eriktilerdi qoldaýdyń basymdyqtaryn aıqyndaýǵa jáne úzdik ulttyq ári halyqaralyq tájirıbelermen almasýǵa múmkindik berip otyr.
Qazaqstanda Halyqaralyq eriktiler jyly iske qosyladyMemleket basshysy Qasym-Jomart Toqaevtyń bastamasymen BUU Bas Assambleıasy 2026 jyldy turaqty damý maqsatynda Halyqaralyq eriktiler jyly dep jarııalady. Halyqaralyq eriktiler jylynyń resmı bastaýy jahandyq deńgeıde 5 jeltoqsanda Nıý-Iorktegi BUU shtab-páterinde berildi.
Halyqaralyq eriktiler jylyn daıyndaý jáne ótkizý úshin elimizde memlekettik organdardyń, volonterlik qoǵamdastyqtyń, halyqaralyq uıymdar men seriktesterdiń qatysýymen Ulttyq uıymdastyrý komıteti quryldy. BUU Eriktiler baǵdarlamasynyń shtab-páteri ókilderiniń qatysýymen eki otyrys ótkizildi.
Volonterlerge arnalǵan jańa platformalar qurylady
El Úkimeti volonterlik qozǵalysty damytýǵa, halyqaralyq yntymaqtastyqty nyǵaıtýǵa jáne turaqty damý qaǵıdattaryn ilgeriletýge baǵyttalǵan Ulttyq is-sharalar josparyn bekitti. Josparǵa 52 is-shara kiredi, onyń 12-si halyqaralyq mártebege ıe, onyń ishinde forýmdar, konferensııalar jáne sheteldik seriktesterdiń qatysýymen paneldik sessııalar bar. Bul rette qujatta volonterlik jáne ekologııalyq is-qımyldarǵa, sondaı-aq kúshti jáne ınklıýzıvti qoǵamdy damytýǵa basa nazar aýdara otyryp, turaqty damý maqsattaryna qol jetkizýdegi volonterliktiń róline erekshe nazar aýdarylady.
Turaqty damý maqsattaryn iske asyrýdaǵy volonterlerdiń róline basa nazar aýdara otyryp, «Birge – turaqty bolashaq úshin» narratıvi biryńǵaı taqyryptyq jeli retinde aıqyndaldy.
Aıta keteıik, Qasym-Jomart Toqaev Volonterler forýmynda sóz sóılep, syn saǵatta belsendi jumys isteıtin eriktilerdiń jumysyn joǵary baǵalady.