Qańtardyń qaqaǵan kúnderiniń birinde Petropavldyń Batyr Baıan kóshesindegi júrginshileri aıaldamada tolyp turǵan ıesiz paketti kórip, polısııaǵa habar bergen. Ishinde jarylǵysh zaty bolýy múmkin dep oılaǵan polısııa kósheni sol jerden dereý jaýyp, saperler shaqyrǵan, dep habarlaıdy Egemen.kz.
Sóıtse... Ol úıindegi qoqysyn konteınerlerge jetkizýge eringen 65 jastaǵy shaldyń (mundaıdy qart dep, aqsaqal dep ataýdyń ózi artyq) álegi bolyp shyqty. Zeınet jasyna deıin ózi de kóshe sypyrý jumysynda istegen ol qoqysty kez kelgen jerge tastaýǵa bolmaıtynyn uqpapty. Eki jyl buryn onyń áıeli de osyndaı isi úshin aıyppul tólegen eken.
Naýryzdan bastap qoǵamdyq oryndardy qoqysqa toltyrǵandar qatań jazalanady
Polısııa ákimshilik jaza berý úshin shaldyń isin sotqa jóneltti. Endi oǵan kólemdi aıyppul salynýy múmkin. Biraq saqaldy basymen jurtty qasaqana dúrliktergen, polısııany dabyldatqan, onyń ishinde qanshama ýaqyt ózin izdetip, quqyqqorǵaýshylardyń ýaqytyn alǵan álegi úshin oǵan qatań jaza berilse de artyq bolmas edi.
PETROPAVL