Búgin Senatta konstıtýsııalyq reforma, onyń saıası júıeni jańǵyrtýdaǵy jáne memlekettik qurylymnyń jańa modelin qalyptastyrýdaǵy róli talqylandy. Máýlen Áshimbaev «Ulttyq múdde» dıalog alańynyń otyrysyn ótkizdi, dep habarlaıdy Egemen.kz.
«Prezıdentimiz Qasym-Jomart Kemeluly Toqaev Ulttyq quryltaıdyń jýyrda ótken otyrysynda aýqymdy konstıtýsııalyq reformalar týraly aıtty. Memleket basshysy Qazaqstannyń memlekettik qurylysynyń jańa kezeńi bastalatynyn jetkizdi. Bul saıası júıemizge tek túzetýler men tolyqtyrýlar engizý degen sóz emes. Shyn máninde, bul álemdegi qazirgi syn-qaterlerge beıimdelý arqyly túbegeıli jańǵyrýǵa qadam basý ekeni anyq. Sondyqtan, osyndaı mańyzdy sátte birligimizdi bekemdep, Memleket basshysy usynǵan ózgeristerdi júzege asyrýda judyryqtaı jumylý aıryqsha mánge ıe», dedi Máýlen Áshimbaev.
Saýalnama: El azamattarynyń 80%-y Konstıtýsııalyq reformany qoldaıdy
Eske salaıyq, Konstıtýsııalyq reforma jónindegi Komıssııanyń kezekti otyrysy ótip jatyr.