Astanada qoǵamdyq oryndardaǵy qaýipsizdikti kúsheıtý maqsatynda robot-ıtter patrýldik baqylaýǵa engizildi. Joba aıasynda jańa tehnologııalar iri saýda oıyn-saýyq ortalyqtary men kólik ınfraqurylymy nysandarynda qoldanylyp jatyr.
Robot-ıtter belgilengen aýmaqty avtonomdy túrde aralap, beıneaqparatty dál sol ýaqytta basqarý ortalyǵyna jiberedi. Baqylaý barysynda kúdikti jaǵdaılar nemese tártip buzý belgileri anyqtalsa, shuǵyl áreket etý sharalary qabyldanady. Mamandardyń aıtýynsha, robottandyrylǵan patrýl júıesi úzdiksiz baqylaýdy qamtamasyz etedi jáne qaýipsizdik qyzmetkerleriniń júktemesin azaıtady. Sonymen qatar sıfrlyq sheshimder quqyqbuzýshylyqtyń aldyn alýǵa jáne qoǵamdyq tártipti saqtaýdyń tıimdiligin arttyrýǵa múmkindik beredi. Qazirgi tańda joba qanantqaqty rejimde júzege asyrylyp jatyr.