Qurylysy qarqyndy Qyzylorda

Sońǵy jyldary Qyzylorda oblysy úlken qurylys alańyna aınalǵandaı. Aımaqtyń qaı bu­ry­shyna barsańyz da, jańa nysan­dardyń salynyp jatqanyn kóresiz. Osynyń ózinen-aq eldiń ekono­mıkalyq jaǵdaıynyń artqa­nyn, áleýmettiń áleýeti óskenin baıqaýǵa bolatyndaı. Mysaly, bir ǵana bıyldyń ózinde Qyzylorda oblysynda 83 nysan paıdalanýǵa berilmek. Bul ótken jylmen salys­tyrǵanda 3,5 esege artyq. Bul týrasynda aımaq basshysy Qyrymbek Kósherbaev bylaı deıdi. «Oblystyń jańa kel­betin qalyptastyratyn óndiris oryndaryn salýda qarqyn bar. Atap aıtar bolsaq, Shyny zaýy­tynyń qurylysy bastalyp, tıisti 33 mıllıard teńge qarjy bólinip, jobanyń barlyq máselesi tolyǵymen sheshildi. Sondaı-aq, Qyzylordanyń sol jaǵalaýyn ıgerý barysynda Azııa Damý Ban­kimen 174 mıllıard teńge qarjy bólý týraly kelisimder jasalýda». Qyzylorda oblysy qurylys salý qarqyny boıynsha respýb­lıkada aldyńǵy qatarǵa shyqty. Búginde bilim berý salasy boıynsha 24 nysannyń qurylysy júrgizilýde. Jyl sońyna deıin onyń 20-sy el ıgiligine beriledi. Sonymen qatar, osy jyly jetim balalarǵa qamqorlyq jasaý maqsatynda «Balalar aýyly» paıdalanýǵa berildi. Densaýlyq saqtaý salasy boıynsha 6 nysannyń qurylysy júrgizilýde. Onyń 3-ýi jyl sońynda ashylady. Mádenıet salasy boıynsha bıyl 7 aýyldyq klýb, kitaphana jáne murajaıdyń qurylysy júrgizilýde. Sport salasyna kelsek, jyl sońyna deıin ıppodromnyń jáne Boks orta­lyǵynyń qurylysy aıaqtalady. Sonymen qatar, qalada­ǵy Ǵ.Mu­ratbaev atyndaǵy stadıon­nyń qosalqy alańy qaıta jańǵyr­tylady. Buǵan qosa, bıyl Ilıa Ilın atyndaǵy aýyr atletıka halyqaralyq ortalyǵy men 3 000 oryndyq jabyq fýtbol manejiniń qurylysy bastalady. Aıta ketý kerek, turǵyn úı qury­lysy ótken jylmen salys­tyr­ǵanda 4 esege artyp otyr. Jaqyn­da 300 otbasy qonys toıyn toı­lap, 6 turǵyn úı paıdalanýǵa beril­se, jyl sońyna deıin taǵy 2090 páterlik 41 turǵyn úıdi paı­dalanýǵa berý josparlanyp otyr. Erjan BAITILES, «Egemen Qazaqstan». Qyzylorda oblysy.