Atyraý oblysynda byltyr 28 225 adam jumysynan bosaǵan. Soǵan baılanysty olarǵa memlekettik áleýmettik saqtandyrý qory esebinen 12,6 mlrd teńge kóleminde áleýmettik tólem berildi, dep habarlaıdy Egemen.kz.
Memlekettik áleýmettik saqtandyrý qory Atyraý oblystyq fılıalynyń bas mamany Narıman Salımovtyń aıtýynsha, atalǵan tólem barlyq adamǵa berilmeıdi. Resmı túrde eńbek etken, jumys berýshi tarapynan atalǵan qorǵa turaqty áleýmettik aýdarymdar júrgizilgen qyzmetkerlerge qarastyrylǵan.
Jumyssyzdyq azaıyp, eńbek naryǵy keńeıip keledi
«Jumyssyz qalǵan adam aldymen mansap ortalyǵyna jumyssyz retinde tirkelýi kerek. Jumyssyz mártebesi berilgennen keıin áleýmettik tólem taǵaıyndaý týraly ótinish Saqtandyrý qoryna proaktıvti túrde joldanady. Áleýmettik tólem bir aıdan alty aıǵa deıingi merzimge taǵaıyndalady. Onyń mólsheri áleýmettik aýdarymdar eseptelgen tabystyń 45 paıyzy kóleminde belgilenedi», deıdi Narıman Salımov.
Kimderge 6 aı boıy áleýmettik tólem beriledi?