Qazaqstanda ınsýlttan bolatyn ólim 4%-ǵa tómendedi. Oǵan mamandandyrylǵan ortalyqtar jelisin keńeıtýdiń jáne profılaktıkaǵa jańa standarttardy engizýdiń arqasynda qol jetken. Bul týraly Densaýlyq saqtaý mınıstri Aqmaral Álnazarova vedomstvo alqasynyń otyrysynda aıtty, dep habarlaıdy Egemen.kz.
Mınıstrdiń málimetinshe, emdelgen pasıentterdiń sany 8,3%-ǵa, 49 myńnan 53 myńǵa deıin, al júrgizilgen trombolızdiń úlesi 11%-ǵa ósip, ınsýlttan bolatyn ólim 4%-ǵa tómendegen.
Almatyda qansha jańa medısınalyq mekeme boı kóteredi?
Mınıstrliktiń dereginshe, ınsýlt qanaınalym júıesi (QAJ) aýrýlarynan bolatyn ólimniń jalpy qurylymynda 32%-dy quraıdy.
«О́ńirlerdegi bas shtattan tys kardıologtar jetekshilik etetin beıindi ǵylymı ınstıtýttarmen tyǵyz ózara is-qımyldy qamtamasyz ete otyryp jáne olardan jan-jaqty ádistemelik qoldaý ala otyryp, úılestirý jáne uıymdastyrý-ádistemelik jumysty kúsheıtýi tıis», dep atap ótti Densaýlyq saqtaý mınıstrliginiń basshysy.
Mınıstr atap ótkendeı, stasıonar men ambýlatorııalyq qyzmettiń arasyndaǵy kadrlyq teńgerimsizdikti joıý qajet, onda júrek-qan tamyrlary aýrýlary bar naýqastardy anyqtaý jáne basqarý boıynsha negizgi júkteme qalyptasady.
Qosymsha medısınalyq bilim sapasyna qoıylatyn talap kúsheıdi
«Serebrovaskýlıarlyq buzylystardy erte anyqtaý úshin skrınıng engizilip, ınsýlt áleýmettik máni bar aýrýlardyń tizbesine engizildi. Insýlttan keıin pasıentterdi dıspanserlik esepke qoıý merzimi 30-dan 15 kúnge deıin qysqartyldy», dedi mınıstr.