Taıaý Shyǵystaǵy shıeleniske baılanysty 10 eldegi 11 saılaý ýchaskesiniń jumysy ýaqytsha toqtatyldy. Bul týraly Syrtqy ister mınıstrliginiń resmı ókili Erlan Jetibaev málimdedi, dep habarlaıdy Egemen.kz.
Erlan Jetibaevtyń aıtýynsha, Qazaqstannyń Syrtqy ister mınıstrliginde referendým ótkizý máseleleri boıynsha arnaıy shtab qurylǵan.
«Taıaý Shyǵystaǵy áskerı-saıası jaǵdaıdyń shıelenisýine, sondaı-aq Ýkraına men Efıopııadaǵy qaýipsizdik deńgeıiniń tómen bolýyna baılanysty 10 eldegi 11 saılaý ýchaskesiniń jumysy ýaqytsha toqtatyldy. Olardyń qatarynda Qazaqstan Respýblıkasynyń Iran, Izraıl, Iordanııa, Katar, Birikken Arab Ámirlikteri, Oman, Lıvan, Kýveıt, Ýkraına jáne Efıopııadaǵy elshilikteri janyndaǵy, sondaı-aq Dýbaı qalasyndaǵy Qazaqstan konsýldyǵy janyndaǵy ýchaskeler bar», dedi SIM resmı ókili.
Referendým-2026: Daýys berý ýchaskesin JSN arqyly qalaı tabýǵa bolady?
Osylaısha referendým kezinde 54 elde 71 saılaý ýchaskesi jumys isteıdi. Sheteldegi saılaýshylardyń jalpy sany 14 230 adamdy quraıdy.
Referendým-2026: Saılaý ýchaskesin eGov Mobile arqyly tekserýge bolady