2026 jyly 13-23 naýryz aralyǵynda Almatyda Naýryz meıramy qarsańynda «Nauryz Sale» aýqymdy merekelik aksııasy ótedi. On kún boıy qala turǵyndary men qonaqtary merekelik demalysty tıimdi saýdamen jáne mádenı-oıyn-saýyq sharalarymen ushtastyra alady, dep habarlaıdy Egemen.kz Almaty qalasynyń ákimdigine silteme jasap.
Bul bastama qazaqstandyq óndirýshilerdi qoldaýǵa, ishki saýdany damytýǵa jáne Naýryz kúnderi qalada erekshe merekelik atmosfera qalyptastyrýǵa baǵyttalǵan respýblıkalyq aksııa aıasynda júzege asyrylady.
«Nauryz Sale» naýqanyna Almatynyń iri saýda-oıyn-saýyq ortalyqtary qatysady. Olardyń qatarynda Forum Almaty, Globus, Mega Park, Aport East, Almaty Mall, Dostyk Plaza, Moskva, Mart jáne Sputnik Mall bar.
Aksııa kezeńinde saýda ortalyqtarynda taýarlardyń ártúrli sanattaryna 10-30% kóleminde jeńildik usynylady.
Naýqan aıasynda qazaqstandyq óndirýshilerdiń ónimderine erekshe nazar aýdarylady. Saýda zaldarynda otandyq brendterdiń taýarlary qoıylatyn arnaıy aımaqtar uıymdastyrylyp, kelýshiler olardy naryqtaǵy baǵadan 10-20% tómen baǵamen satyp ala alady.
Satyp alýshylarǵa yńǵaıly bolýy úshin aksııalyq taýarlar arnaıy navıgasııamen jáne «Nauryz» taqyryptyq bezendirýimen belgilenedi. Taqyryptyq baǵa belgileri, brendtelgen kórsetkishter men basqa da navıgasııalyq elementter jeńildigi bar taýarlardy ońaı tabýǵa múmkindik beredi.
Tıimdi saýdamen qatar, saýda ortalyqtarynyń qonaqtaryn mazmundy merekelik baǵdarlamaǵa kýá bolady. Saýda-oıyn-saýyq ortalyqtarynyń alańdarynda:
taqyryptyq jármeńkeler men festıvalder; konsertter men mýzykalyq baǵdarlamalar; ulttyq naqyshtaǵy fotoaımaqtar; balalar men eresekterge arnalǵan ınteraktıvti alańdar men oıyndar uıymdastyrylady.Merekelik is-sharalardyń negizgi bóligi 20-23 naýryz aralyǵynda Almaty qalasyndaǵy saýda ortalyqtarynyń alańdarynda ótedi.
Sonymen qatar saýda ortalyqtarynyń LED ekrandarynda Naýryz merekesiniń dástúrlerine arnalǵan beınerolıkter kórsetiledi.
Astanada Naýryz merekesine oraı 200-den astam is-shara ótedi
«Nauryz Sale» aksııasy Almatydaǵy kóktemgi maýsymnyń jarqyn oqıǵalarynyń birine aınalyp, merekelik atmosferany, mádenı baǵdarlamalardy jáne tıimdi saýda múmkindikterin biriktiredi. Uıymdastyrýshylar qala turǵyndary men qonaqtaryn saýda ortalyqtaryna kelip, merekelik is-sharalarǵa qatysýǵa shaqyrady.
15 naýryz kúni «Invataksı» qyzmeti tegin bolady