2026 jylǵy 15 naýryzda Qazaqstanda respýblıkalyq referendým ótip jatyr. Onyń aıasynda jastardy memleket ómirine aralastyrýǵa baǵyttalǵan birneshe bastama qolǵa alyndy. Ásirese, «Alǵashqy referendým» aksııasy sheńberinde alǵash ret daýys berip jatqandarǵa erekshe kóńil bólinip jatyr, dep habarlaıdy Egemen.kz.
«Elimizdiń bolashaǵyna az da bolsa óz úlesimdi qosyp, oǵan áser ete alatynyma qýanyshtymyn», dep bólisti boıjetken.
Arys qalasynda Aıkúmis Kárim alǵashqy daýysyn dál týǵan kúninde berdi. Jas saılaýshyǵa saılaý ýchaskesiniń músheleri sımvolıkalyq syılyq pen gúl shoqtaryn tabystady. Bul onyń azamattyq belsendiliginiń este qalarlyqtaı bastalýyna septigin tıgizdi.Referendým: Elimizdiń chempıondary óz tańdaýyn jasady
Mańǵystaý oblysyndaǵy №203 ýchaskede jas jubaılar – Asqarbek Choǵdanbaev pen Naýryzgúl Tájedın birge tańdaý jasady. «Referendým – el bolashaǵyna beıjaı qaramaıtyn árbir azamat úshin mańyzdy qadam. Jas otbasy retinde biz óz tańdaýymyzdy jasadyq», dedi olar. Aqtaý qalasynda Yessenov University-diń 1-kýrs stýdenti Bekzat Qadirbaı alǵash ret daýys berdi. Ol referendýmǵa qatysý – azamattyq jaýapkershilik ekenin, al jastar mańyzdy memlekettik sheshimderge beıjaı qaramaýy tıis ekenin qadap aıtty. Daýys berý kúni turǵyndardyń ýchaskelerge barýyn jeńildetý úshin qalada qoǵamdyq kólik qatynaýy tegin uıymdastyryldy.Búgin Mańǵystaý oblysynda avtobýstar jolaýshylardy tegin tasymaldaıdy
Aksııa jastardyń boıynda azamattyq jaýapkershilik sezimin qalyptastyrýǵa jáne saıası prosesterge qyzyǵýshylyǵyn oıatýǵa baǵyttalǵan. Jas saılaýshylar óz daýystarynyń mańyzy bar ekenin jáne el bolashaǵyna áser ete alatynyn alǵash ret sezingen.
Saılaý ýchaskelerine alǵash ret kelgen jastar úshin bul kún – úlken azamattyq ómirge qadam basýdyń jáne el taǵdyryna atsalysýǵa umtylýdyń sımvoly. Alǵash daýys berýshilerdiń belsendiligi búkil el jastary úshin otansúıgishtiktiń úlgisine aınalyp otyr.