Oral qalasyndaǵy Ulttyq ulannyń 5517 áskerı bólimi jaýyngerleri tańǵy saǵat 06:00-de ashylǵan №479 daýys berý ýchaskesinde tańdaý jasady dep habarlaıdy Egemen.kz.
Otan aldyndaǵy boryshyn atqaryp júrgen sarbazdar ádette elden buryn, erte tańdaý jasaıdy. Onyń ózindik sebebi de bar. О́ıtkeni Ulttyq ulan áskerı qyzmetshileriniń negizgi bir mindeti – qoǵamdyq tártip pen qaýipsizdikti qamtamasyz etý.
О́ńir turǵyndary referendýmǵa belsene qatysyp jatyr
Osyǵan baılanysty áskerı qyzmetshiler azamattyq boryshyn erte oryndap, referendýmda alǵashqylardyń biri bolyp daýys berdi. Sol arqyly eldiń qoǵamdyq-saıası ómirindegi mańyzdy naýqanǵa úles qosyp, belsendilik tanytty.
Esik qalasyndaǵy referendým ýchaskesine «Altyn adam» keldi
Daýys berý rásimi aıaqtalǵannan keıin áskerı qyzmetshiler jaýyngerlik qyzmetke kirisip, qala kósheleri men daýys berý ýchaskeleri ornalasqan aımaqtarda qoǵamdyq tártipti qamtamasyz etýge attandy. Ulttyq ulan jaýyngerleri búgin kúsheıtilgen rejımde qyzmet atqaryp jatyr.
Batys Qazaqstan oblysy