QOSTANAI. 16 tamyz. Qostanaılyqtar men qala qonaqtary qalanyń 136 jyldyǵyn eki kún boıy toılady. Onda Hend-meıd – sheber qoldar jasaǵan zattar kórmesinen bastap, arba sherýi, karnaval sherýi, nan kórmesi, áýe sharynan jasalǵan buıymdar jáne kilemder kórmesi ótkizildi. Bul týraly egemen.kz tilshisi habarlady.
Ortalyq alańda qostanaılyqtar sheberqoldardan shyqqan buıymdardy – Hend-meıd kórmesin tamashalady. Oǵan Qostanaıdaǵy 20-dan asa sheberlerdiń buıymdary qoıyldy. Túrli qýyrshaqtar, qoldan jasalǵan gúlder, kúndelikti tutynatyn buıymdar kózdiń jaýyn alady. Ásirese, qaladaǵy múgedekter qoǵamynyń músheleri jasaǵan buıymdardy qyzyqtaýshylar kóp boldy. Olarǵa sheberler sheberligin úıretýden de bas tartqan joq.
Sondaı-aq, ortalyq alańdy kádimgi áýe sharynan jasalǵan kıiz úı maketteri, músinder, gúlder keremet sulýlyqqa aınaldyryp jibergendeı boldy. Qostanaılyq aerodızaner, tvıstıng sheberi Natalıa Brýma shardan sebetke salynǵan shoq gúlder keıpin jasap shyqty. Onyń jumysyna myńnan asa shar men 30 saǵat ýaqyty ketti. Ol qalanyń kórki úshin bul jumysyna rıza.
Arbalar sherýi qala merekesiniń qyzyǵyn qyzdyra tústi. №8 balabaqshasynyń meńgerýshisi Aıgúl Tusova: «Biz «Qar hanshaıymy» arbasyn jasadyq. Onyń ádemiligi balanyń da, úlkenniń de nazaryn aýdaryp ketedi. Endi arba balabaqshasynda turady, onyń qysta Aıaz ata keletin bolady» – dedi.
Qostanaı qalasyndaǵy etnomádenı ortalyqtar kilemder kórmesin kórsetti. Osy arqyly merekege jınalǵandar túrli ulystar mádenıeti men ónerine qanyqty. Osy kórmelerdiń barlyǵy oblys ákimi Nuraly Sádýaqasov pen qala basshylaryaralap kórdi. Qalalyqtardy merekesimen quttyqtady.
Mereke keshke qaraı jalǵasa tústi. Qostanaı qalasyndaǵy ujymdar karnaval sherýine shyqty. Ol qalanyń birneshe kóshesimen júrip ótip, ortalyq stadıonǵa bardy. Sol jerde ótken Reseıdiń belgili estrada ánshisi Oleg Gazmanovtyń konserti de qalalyqtarǵa syı boldy. Túnde merekelik ot shashýmen aıaqtaldy.
Názıra Járimbetova.
Derek: egemen.kz.
Sýret: ng.kz.