QARAǴANDY. 17 tamyz. Qaraǵandy oblysynyń Ulytaý aýdanynda toptalǵan tóbeleske qatysqandardyń bári ustaldy. Bul týraly oblystyq ishki ister departamentiniń baspasóz qyzmeti habarlady.
Janjal aýdan aýmaǵynda qurylys jumystaryn júrgizip jatqan merdiger mekeme qyzmetkerleriniń arasynda bolypty. Toptalǵan tóbelestiń nátıjesinde úsh adam jaraqat alyp, aýrýhanaǵa túsken.
Qazirgi ýaqytta toptalǵan tóbeles oqıǵasy boıynsha Qylmystyq kodekstiń 293-babynyń 3-tarmaǵy boıynsha («Buzaqylyq») sotqa deıingi tergeý amaldary júrgizilip jatyr.
Qaırat Ábildınov.
Derek: Qaraǵandy oblystyq ishki ister departamentiniń baspasóz qyzmeti.
Sýret: tengrinews.kz.