ALMATY. 14 mamyr. Qalanyń dál qaq ortasynda tún aýa bolǵan «avto-qýǵynnyń» aqyry apatty jaǵdaıǵa alyp keldi. Bul týraly STV telearnasy habarlady.
Patrýldik polıseılerden izin jasyrmaq bolyp, jyldamdyqty shamadan tys arttyrǵan Honda avtokóligi Qabanbaı batyr men Jeltoqsan kósheleriniń qıylysynda jol ústindegi ınkassatorlyq fýrgondy soǵyp, aýdardy. Odan soń jol jıegindegi emen aǵashqa soǵylyp toqtaǵan.
Aıta keteıik, Honda kóliginde bolǵan eki jolaýshy men júrgizýshi aýyr jaraqatpen aýrýhanaǵa tústi. Al jeńil dene jaraqatyn alǵan ınkassatorar «Jedel járdemniń» kómeginen bas tartty.
Qazir jol qozǵalysy erejesi óreskel buzylyp, apatqa ulasqan jol kólik oqıǵasynyń saldary anyqtalý ústinde.
Talǵat Súıinbaı.
Derek, sýret: STV telearnasy