«Taza Qazaqstan» ekologııalyq aksııasy aıasynda elimizdiń barlyq óńirinde bir mezgilde «Túlekterdiń aǵash egýi» eko-chellendji ótti. Izgi bastama jas urpaqtyń tabıǵatqa degen jaýapkershiligin arttyrýǵa baǵyttalǵan keń aýqymdy ekologııalyq qozǵalysqa aınaldy, dep habarlaıdy Egemen.kz.
Qazaqstannyń barlyq bilim berý uıymdarynda «Eńbekqorlyq jáne kásibı biliktilik aıy» jarııalanyp, onyń aıasynda «Halyqaralyq balalar kitaby kúni», «Halyqaralyq eskertkishter men tarıhı oryndardy qorǵaý kúni», «Ulttyq kitap kúni» jáne basqa da birqatar respýblıkalyq aksııalar uıymdastyryldy. Bul bastama óskeleń urpaqty kitap oqýǵa, qaıyrymdy isterge baýlýǵa, sondaı-aq qorshaǵan ortaǵa degen qamqorlyq pen ekologııalyq mádenıettilikti qalyptastyrýǵa baǵyttalǵan. Sonymen qatar «Tabıǵatqa qamqorlyq jasaımyz» aksııasy aıasynda mektep aýmaqtary men qoǵamdyq keńistikterde tazalyq jumystaryn júrgizý qolǵa alynýda.
Aǵash otyrǵyzý eko-chellendji dástúrli sharaǵa aınaldy. Bıyl ol tórtinshi jyl qatarynan elimizdiń barlyq bilim berý uıymdarynda turaqty túrde ótkizilýde.
«Taza Qazaqstan»: Bir kúnde elimizde 46 myń gektardan astam aýmaq tazartyldy
Bıylǵy jyly eko-chellendjge 9 jáne 11 synyptardyń 100 myńnan astam oqýshysy qatysty. Olar mektep aýmaqtarynda, saıabaqtar men qoǵamdyq keńistikterde aǵash otyrǵyzyp, eldi mekenderdi kógaldandyrýǵa óz úlesterin qosty.
Aıta keteıik, osydan bir apta buryn «Keleshek mektepteri» jobasynyń oqýshylary da senbilikke qatysyp, qorshaǵan ortany qorǵaý isine belsendi úles qosqan bolatyn.