Astana qalasynda bıyl shamamen 50 kóshege jóndeý jáne qurylys jumystary júrgizilip, jalpy uzyndyǵy 60 shaqyrym jol jańartylady. Bul týraly elorda ákimi Jeńis Qasymbek Instagram paraqshasynda habarlady, dep jazady Egemen.kz.
Onyń aıtýynsha, kún jylynǵannan beri qalada jol jóndeý jumystary qarqyndy bastalǵan. Qazirgi ýaqytta shuńqyrlardy jamaý, baǵyttyq jóndeý, trotýarlardy jańartý jáne jol belgilerin syzý jumystary qatar júrgizilýde.
Qalada birneshe iri kósheler men dańǵyldarda qurylys júrip jatyr, sonyń ishinde Máńgilik El, Syǵanaq, Respýblıka dańǵyly jáne basqa da mańyzdy baǵyttar bar.
Sonymen qatar eki deńgeıli kólik aıryǵy, jańa dańǵyldar men iri magıstraldar salynýda. Bul jobalar qalanyń kólik qozǵalysyn jeńildetip, keptelisti azaıtýǵa baǵyttalǵan.
Astanada et, sút ónimderin arzan baǵada qaıdan alýǵa bolady?
Ákimdik málimetinshe, barlyq jumystar kezeń-kezeńimen júrgizilip, Astananyń jol ınfraqurylymyn jaqsartýǵa múmkindik beredi.