ALMATY. 14 mamyr. Osy jyldyń 19-20 mamyr kúnderi Reseıdiń Astrahan qalasynda Kaspıı teńizin jaǵalaı qonys tepken memleketterdiń ádebıet maıtalmandary bas qosady. Oǵan Qazaqstan men Ázirbaıjannyń, Iran men Túrkmenstannyń jáne Reseıdiń – cheshen-ınǵush, tatar-bashqurt, qalmaq jáne daǵystan halqynyń aqyn-jazýshylary qatysady. Bul týraly edil-zhaiyk.kz habarlady.
«Lıteratýrnaıa gazeta» men «Drýjba Narodov, «Hýdojestvennaıa lıteratýra» sekildi reseılik ataqty basylymdardyń uıymdastyrýmen ótkizilip jatqan jıynda birqatar qalamgerlerge Vasılıı Kırıllovıch Tredıakovskıı atyndaǵy halyqaralyq syılyq tabys etiledi. Ádebı jıyn qrasańynda 100-den astam úmitker ázirbaıjannyń Samed Výrgýn men qazaqtyń Abaıynyń, tatar ultynyń Ǵabdolla Toqaı men avar halqynyń Magomed Ahmedti sekildi aqyn-jazýshylarynyń shyǵarmalaryn tárjimalaý isimen aınalysqan.
Aıta keteıik, forým barysynda úmitkerlerdiń eńbekteri baǵalanyp, úzdik shyqqandarǵa arnaıy syılyq beriledi. Al forým jumysy «Kórkem aýdarma – ultaralyq qatynastardy nyǵaıtý quraly» atty ǵylymı-shyǵarmashylyq konferensııamen qortyndylanady.
Talǵat Súıinbaı.
Derek: edil-zhaiyk.kz.
Sýret: berlek-nkp.com.