ATYRAÝ. 14 mamyr. Jaıyq ózenine quıatyn arnalarda balyqtardyń qyrylǵany anyqtaldy. Bul týraly egemen.kz tilshisi habarlady.
«Aqjaıyq» memlekettik tabıǵı rezervatynyń bólim basshysy Aleksandr Ivasenkonyń málim etýinshe, balyqtardyń qyrylǵany týraly derek 12 mamyrda belgili bolǵan. Alaıda, Atyraýdaǵy tolassyz nóser saldarynan sol kúni oqıǵa ornyna barý múmkin bolmaǵan. Al keshe rezervat mamandary men ınspektorlary aqqaırań, móńke jáne qarakóz balyqtarynyń qyrylýyna ne sebep bolǵanyn anyqtaýǵa kiristi.
«Balyqtar Jaıyq ózenine quıatyn jińishke arnalarda qyrylǵan. Olar nóserden keıin kóterilgen sýmen osy arnalarǵa ótip ketken. Otteginiń jetispeýinen qyrylýy múmkin», – deıdi Aleksandr Ivasenko.
Mamandardyń paıymdaýynsha, 2 tonnaǵa jýyq qara balyq qyrylǵan. О́lgen balyqtardan jáne sýdan synamalar alyndy. О́lekselerdi kómý arqyly joıý júzege asyryldy.
Joldasbek Shópeǵul.
Derek: egemen.kz.
Sýret: Rahym Qoılybaev.