ASTANA. 14 mamyr. Ujymdyq qaýipsizdik sharty uıymynyń jedel is-qımyl ujymdyq kúshteriniń quramyndaǵy (UQShU JIUK) Qazaqstan Respýblıkasy Qarýly Kúshteri áskerı bólimshelerine qarasty basqarý organdary men bólimderi áýe tasymaly arqyly Tájikstan Respýblıkasyna kúshter men qajetti quraldardy jónelte bastady. Bul týraly egemen.kz tilshisi habarlady.
Qazaqstandyqtar derbes top. Olar ózderimen birge tehnıkany, qarýlardy, oq-dárilerdi, shatyrlardy, dala ashanasyn, azyq-túlikti jáne JMM alyp júrýge daıyn.
Atalǵan (UQShU JIUK) quramǵa kiretin QR Qarýly Kúshteriniń kúshteri men zattardyń bóligin qaýyrt tekserý sheńberinde áskerı artıllerııadan atý, sondaı-aq RHB barlaýdy jáne qarý-jaraq pen áskerı tehnıkany gazsyzdandyrýdy júrgizýde jaýyngerlik oqý-jattyǵý tapsyrmalaryn oryndaý úshin «Mátibulaq» (Gvardeısk áskerı qalashyǵy) oqý-jattyǵý ortalyǵyna jınaldy.
Shekarada baqylaýdan ótkizýdi, basqa memleketterge ushýdy, sondaı-aq áskerı qarý-jaraq pen tehnıkany tasymaldaýdy qamtamasyz etý úshin tekserýge UQK, SIM, IDM bólimsheleri jáne ózge de memlekettik organdardyń ókilderi tartyldy.
Esterińizge sala keteıik, UQShU aıasynda halyqaralyq mindettemelerge sáıkes QR Qarýly Kúshteriniń atynan baratyn JIUK quramyna desantty-shabýyldaý, arnaıy maqsattaǵy jáne avıasııa, artıllerııa jáne qamtamasyz etý bólimsheleri kiredi.
Dastan Kenjalın.
Derek, sýret: Qazaqstan Respýblıkasy Qorǵanys mınıstrligi.