ASTANA. 14 mamyr. Pavlodar oblysy Aqtoǵaı aýdanyndaǵy Shuǵa aýylynda Uly Otan soǵysyndaǵy Jeńistiń 70 jyldyǵyna arnalǵan eskertkish ashyldy. Bul týraly egemen.kz tilshisi habarlady.
Eskertkishti ornatýǵa aýyl azamattary bir kisideı asarǵa kelip kómektesti. Onyń ashylý saltanatynan keıin Hasen Shaıahmet atyndaǵy mektep muǵalimderi, oqýshylary belsendilik kórsetti. Konserttik baǵdarlama ázirledi. Aýylda qazaq bolǵan jaýynger ata-babalaryna as berildi.
Eskertkishtiń ashylýyna qatysqan Eleýsiz Raqymjanqyzynyń aıtýynsha, aýdan ortalyǵynan shalǵaıdaǵy Shuǵa aýylyna jınalǵan aýyldyqtar Jeńistiń 70 jyldyǵyna jaqsy daıyndalyp, ony laıyqty deńgeıde merekeledi. «Er esimin – el saqtar» – degen. «Jeńis»!, «Jeńis!», «Jeńis»! – degen habardyń jetkenine, mine, 70 jyl. Biz aýyl azamattaryna rızamyz. Bári bir kisideı eskertkishti ornatýǵa atsalysty. Saltanatty rásimde Nyǵı aqsaqal men tyl ardageri Ýalıhan Tohtybaı sóz sóıledi. «Erlikke taǵzym» taqyrybynda mektep oqýshylary, kishkentaı aýyl balalary da qosylyp velojoryqqa shyqty. Endi kelesi jyly Tyl ardagerlerine de memorıaldy taqta ornatylady», dedi ol.
Dastan Kenjalın.
Derek, sýret: egemen.kz