Jambyl oblysy Qordaı aýdandyq polısııa bóliminde tártip saqshysynyń ólimine ákelgen qaıǵyly jaǵdaı tirkeldi. Aldyn ala aqparatqa sáıkes, arnaıy jasaq ınspektory óz-ózine oq atqan, dep habarlaıdy Egemen.kz.
Aýyr halde aýrýhanaǵa jetkizilgen leıtenant dárigerlerdiń jasaǵan emdik sharalaryna qaramastan, esin jımastan reanımasııa bóliminde qaıtys boldy.
Boljam boıynsha arnaıy jasaq ınspektory «SIG Sauer» markaly qyzmettik qarýynan ózine oq atqan. Oqıǵa ornyna shuǵyl jetken jedel járdem qyzmetkerleri zardap shegýshini birden ortalyq aýdandyq aýrýhanaǵa jetkizgenimen, onyń ómirin saqtap qalý múmkin bolmady.
Aqtóbe oblysynda qala ákimi óz-ózine qol jumsady
Qazirgi ýaqytta tártip saqshysynyń mundaı áreketke barýyna ne sebep bolǵany anyqtalyp jatyr. Atalǵan fakti boıynsha qylmystyq is qozǵalyp, tergeý bastaldy.
Eske sala keteıik, byltyr Jambyl oblysynda óz-ózine qol jumsaǵan 34 jastaǵy polısııa qyzmetkeriniń máıiti jalǵa alǵan páterinen tabylǵan bolatyn.