Qoldanystaǵy zańnamaǵa sáıkes, ataýly áleýmettik kómek alatyn otbasylardyń balalary tegin ystyq tamaqpen qamtamasyz etilýge tıis. Almaty oblysy prokýratýrasy bilim berý salasynda balalardyń quqyqtarynyń buzylýyn anyqtaǵan, dep habarlaıdy Egemen.kz.
Tekserý nátıjesinde oblystyń 70-ten astam mektebinde (Eńbekshiqazaq aýdany – 45, Talǵar – 7, Jambyl – 5, Uıǵyr – 14, Qarasaı – 4, Qonaev qalasy – 9) atalǵan talaptardyń saqtalmaǵany anyqtalyp otyr.
Astanada balalardy qorǵaý kúnine oraı 100-ge jýyq is-shara ótedi
Nátıjesinde 1 101 bala memlekettik qoldaýdyń bul túrimen qamtylmaǵan.
«Prokýrorlyq qadaǵalaý aktileri boıynsha balalardyń quqyqtary qalpyna keltirilip, barlyq oqýshylar tıisti tamaqpen qamtamasyz etildi, kináli laýazymdy tulǵalar jaýapkershilikke tartyldy», delingen habarlamada.
Jalpy osy jyldyń basynan beri oblys prokýratýrasymen 30 myńǵa jýyq balanyń quqyqtary men zańdy múddeleri qorǵalǵan.
Buǵan deıin jazǵy demalys kezinde balalar qaýipsizdigi qalaı qorǵalatyny týraly habarlaǵanbyz.