Oqıǵa 27 mamyrda saǵat 09:30 shamasynda Ertis ózeniniń ortalyq kópirinde bolǵan. Kámeletke tolmaǵan 6 jasóspirim jaraqat alǵan. Olar medısınalyq kómekke júgingen, dep jazady Egemen.kz.
«Toyota Avensis» kóliginiń júrgizýshisi manevr jasaý kezinde qaýipsizdik erejelerin saqtamaǵan. Sóıtip jol jıegimen ketip bara jatqan velosıpedshiler tobyna soqtyǵysqan.
Zardap shekkenderdiń jaǵdaıy naqtylanyp jatyr.
Quqyq qorǵaý organdary tekserý amaldaryn bastaǵan. Oqıǵanyń mán-jaıy anyqtalǵannan keıin kináli tulǵaǵa qatysty tıisti prosessýaldyq sheshim qabyldanady.
Aıta keteıik, buǵan deıin Almaty oblysynda kólik tizginindegi jasóspirim 12 jastaǵy balany qaǵyp ketken edi.
Aqtaýda polıseı basqarǵan kólik 1,5 jastaǵy balany qaǵyp ketip, búldirshin qaıtys bolǵan.