Qazaqstan munaı eksportyn balamaly baǵyttar arqyly keńeıtýdi qarastyryp jatyr. Bul týraly Energetıka mınıstri Erlan Aqkenjenov málimdedi, dep habarlaıdy Egemen.kz.
Mınıstrdiń aıtýynsha, el munaı eksportyn arttyrý jáne tasymal shyǵyndaryn azaıtý baǵytynda jumystaryn jalǵastyryp jatyr. Bul óz kezeginde eksport kólemine tikeleı áser etedi.
«Bizde jospar boıynsha 2,2 mln, biraq 3 mln-ǵa deıin jetkize alamyz. Aqtaý portynda bizde mundaı múmkindikter bar», dedi Erlan Aqkenjenov.
Qazaqstanda jylyna 10 mln tonna munaı óńdeıtin tórtinshi zaýyt salynady
Sondaı-aq ol Baký – Tbılısı – Djeıhan baǵyty arqyly jetkizilimderdi keńeıtý máselesi qarastyrylyp jatqanyn atap ótti. Mınıstrdiń aıtýynsha, Ázerbaıjan tarapy Qazaqstan munaıynyń qosymsha kólemderin qabyldaýǵa daıyn.
«Ázerbaıjan tarapy Qazaqstannan keletin munaı kólemin kóbirek qabyldaýǵa daıyn ekenin bildirdi. Bul ózara baılanysty prosess, sebebi tasymal quny tómendemeıinshe qosymsha jetkizilimderdi arttyrý da qıyn», dedi mınıstr.
Eske sala keteıik, buǵan deıin jaýapty mınıstrlik «Drýjba» munaı qubyry arqyly tranzıttiń ýaqytsha toqtaýyna baılanysty Germanııaǵa munaı balamaly joldar arqyly jetkiziletinin málimdegen bolatyn.