«Samuryq-Qazyna» ulttyq ál-aýqat qory óndiristik emes personaldy qysqartý arqyly 5 mlrd teńge únemdep otyr. Bul týraly qordyń basqarma tóraǵasy Nurlan Jaqypov málimdedi, dep habarlaıdy Egemen.kz.
EAEO otyrysynyń kýlýarynda jýrnalısterdiń suraqtaryna jaýap bergen ol qor kompanııalary tobynda kadrlyq ońtaılandyrý jumystary júrgizilgenin aıtty.
«Astana qalasyndaǵy óndiristik emes personaldyń 11 paıyzyn qysqarttyq. Jyldyq únem kólemi shamamen 5 mlrd teńgeni quraıdy. Sandyq kórsetkish boıynsha bul 700 qyzmetker», dedi Nurlan Jaqypov.
Onyń aıtýynsha, bul sharalar kompanııalar tobynyń basqarý tıimdiligin arttyryp, shyǵyndardy ońtaılandyrý maqsatynda júzege asyrylǵan.
Meta kompanııasy 8 myń qyzmetkerdi jumystan shyǵardy
Eske sala keteıik, jyl basynda qor «Samuryq-Qazyna» qory qyzmetkerleriniń 10%-yn qysqartatynyn málimdegen bolatyn.