«Dara» Prezıdenttik bastamalar qory kórnekti qazaq ǵalymy, saıahatshy ári aǵartýshy Shoqan Ýálıhanovtyń ómiri men murasyna arnalǵan jańa kórkem-derekti jobany qoldap, fılm óndirisine jeke ınvestısııalardy tartýǵa járdemdesti, dep habarlaıdy Egemen.kz.
Jobanyń avtory – tanymal qazaqstandyq jýrnalıst, telejúrgizýshi, tarıhı derekti fılmderdiń avtory Maııa Bekbaeva.
Almaty oblysynda álemdik deńgeıdegi kınopavılon salynyp jatyr
Jobaǵa daıyndyq jumystary bastalysymen komanda Qazaqstan boıynsha aýqymdy onlaın-kastıngti de jarııalady. Joba avtorlary bul bastamany shyn máninde halyqtyq jobaǵa aınaldyrýdy kózdep otyr. Olar kásibı akterlerdi ǵana emes, kıno salasynda ózin synap kórgisi keletin barsha azamattardy jobaǵa qatysýǵa shaqyrady.
«Shoqan Ýálıhanov – jaı ǵana tarıhı tulǵa emes, óz dáýirinen oza týǵan jan. Onyń taǵdyry, tereń bilimi, batyldyǵy men halqyna qyzmet etýge degen umtylysy ony búgingi urpaqqa da úlgi tulǵa retinde tanytady. Bul joba arqyly biz oqýlyqtaǵy beıneni emes, shynaıy Shoqandy kórsetkimiz keledi», deıdi joba avtory.
Qazirgi ýaqytta Shoqan Ýálıhanovtyń basty róline, jas Shoqannyń róline, sondaı-aq qosalqy jáne epızodtyq rólderge kastıng júrip jatyr.
JI arqyly jasalǵan otandyq fılm Kann kınofestıvalinde kórsetildi
Irikteýge qatysýǵa barlyq nıet bildirýshiler shaqyrylady. Ol úshin ózińiz týraly qazaq jáne orys tilderinde qysqasha vıdeovızıtka jazyp, ony Instagram jelisinde jarııalap, jobanyń @shoqan.film paraqshasy men avtordyń @mayabekbayeva akkaýntyn belgileý qajet.
Shyǵarmashylyq top kelip túsken barlyq ótinimderdi qarap shyǵyp, aldyn ala irikteýden ótken úmitkerlermen baılanysqa shyǵady.