Qostanaı oblysynyń Rýdnyı qalasynda sot oryndaýshysyna pyshaq siltegen turǵynǵa qatysty sot prosesi bastaldy. Tergeý málimetinshe, er adam 15 jyl boıy alıment tóleýden jaltaryp kelgen, dep habarlaıdy Egemen.kz.
Aqpan aıynda bolǵan oqıǵaǵa sot oryndaýshysy Jansulý Hamzına men boryshker arasynda uzaqqa sozylǵan daý-damaı sebep bolǵan. О́tken jyldyń sońynda sot oryndaýshysy alıment qaryzy úshin er adamdy ákimshilik qamaýǵa aldyrtyp, 2026 jyldyń basynda oǵan múlkin paıdalanýǵa shekteý qoıǵan.
Ashýǵa býlyqqan boryshker sot oryndaýshysyn jumystan keıin ańdyp, izine túsken. Kólik salonyna kirip, ózin jetkizip salýdy talap etken ol qarsylyqqa tap bolǵan soń keramıkalyq pyshaqpen áıeldiń betin birneshe ret tilip tastaǵan. Zardap shekken áıel kólikten shyǵyp úlgerip, jaqyn mańdaǵy dúkenge baryp polısııa shaqyrǵan.
Talǵarda taǵy da qandy oqıǵa: Ákesine Quran baǵyshtamaq bolǵan jigitti pyshaqtap ketti
Tergeý organdary onyń áreketin sot oryndaýshysynyń ómirine qol suǵý baby boıynsha saralaǵan. Eger kinási dáleldense, aıyptalýshy 15 jyldan 20 jylǵa deıin bas bostandyǵynan aıyrylýy nemese ómir boıyna sottalýy múmkin. Is alqabılerdiń qatysýymen qaralady.
Eske sala keteıik, buǵan deıin Aqmola oblysynda dúken ishinde áıel adam satýshyǵa pyshaq ala júgirgenin jazǵan edik.