Batys Qazaqstan oblysynyń turǵyny alıment tóleýden jaltarǵany úshin kináli dep tanylyp, 6 aı merzimge bas bostandyǵynan aıyryldy, dep habarlaıdy Egemen.kz.
Sotta aıyptalýshynyń bir jyldan astam ýaqyt boıy kámeletke tolmaǵan balasyn asyraý jónindegi sot sheshimin oryndaýdan jaltarǵany anyqtaldy. Onyń alıment boıynsha 4 mln teńge kóleminde bereshek qalyptasqan.
Sot oryndaýshylary endi alıment shottarynan aqsha óndire almaıdy
Buǵan deıin boryshker osyǵan uqsas quqyqbuzýshylyq úshin qylmystyq jaýaptylyqqa tartylyp, alaıda raqymshylyq aktisin qoldanýǵa baılanysty jazadan bosatylǵan. Soǵan qaramastan, tıisti qorytyndy jasamaı, ata-analyq mindetterin oryndaýdan jaltarýyn jalǵastyrǵan.
Sot úkimi zańdy kúshine engen joq.
Bıylǵy jyldyń 4 aıynda Batys Qazaqstan oblysynda alıment tóleýden jaltarǵan boryshkerlerge qatysty Qylmystyq kodekstiń 139-baby boıynsha 21 qylmystyq quqyqbuzýshylyq tirkeldi. Onyń ishinde 7 is taraptardyń tatýlasýyna baılanysty toqtatylǵan, al 5 is boıynsha aıyptaý úkimderi shyǵarylǵan, qalǵan qylmystyq ister óndiriste.
Tarazda 11-synyp oqýshysy ákesinen alıment óndirip aldy
Osyǵan baılanysty prokýratýra sot sheshimin oryndamaǵany úshin qylmystyq jaýaptylyq kózdelgenin eske salady.