ASTANA. 15 mamyr. Túnde ÝEFA Eýropa lıgasynyń jartylaı fınaly aıasynda qarymta oıyndar ótti. «Dnepr» óz alańynda «Napolıdi» jeńip, tarıhynda alǵash ret eýrokýbok básekeleriniń fınalyna shyqty. Al syrt alańda «Fıorentınadan» basym túsken «Sevılıa» qatarynan ekinshi ret týrnırdiń sheshýshi synyna joldama alyp otyr. Bul týraly egemen.kz habarlady.
«Dnepr» (Dnepropetrovsk, Ýkraına) – «Napolı» (Neapol, Italııa) 1:0 (0:0)
Gol: Evgenıı Seleznev 58 (sýrette).
Birinshi oıynnyń esebi: 1:1.
Oıyn Ýkraına astanasy – Kıevtegi ulttyq olımpııalyq stadıonda ótti. «Napolıdiń» Eýropadaǵy bedeli barshaǵa aıan. Sondyqtan bul matchta basymdyq sózsiz Italııanyń komandasyna berildi. Alaıda, ujymdyq oıynnyń úlgisin kórsetken «Dnepr» tek ózderiniń emes, tutas Ýkraına fýtbolynyń tarıhyndaǵy jarqyn nátıjege qol jetkizdi.
«Fıorentına» (Florensııa, Italııa) – «Sevılıa» (Sevılıa, Ispanııa) 0:2 (0:2)
Goldar: Karlos Bakka 22, Danıel Karrısý 27.
Birinshi oıynnyń esebi: 0:3.
Bul oıynnyń taǵdyry alǵashqy matchta-aq sheshilip qoıǵan edi. О́z alańynda jaýapsyz 3 gol soqqan ıspandar Italııaǵa kóterińki kóńil-kúımen keldi. Kópshilik boljaǵandaı, «Fıorentına» qarymta oıynda da aıtarlyqtaı qarsylyq kórsete almady. Nátıjesinde qaqpalaryna taǵy da jaýapsyz 2 gol jiberdi. «Sevılıa» Eýropa lıgasynyń qazirgi jeńimpazy ekenin aıta keteıik.
Fınaldyq oıyn 27 mamyrda Polsha astanasy – Varshavada ótedi.
Elaman Qońyr.
Derek: egemen.kz.
Sýret: championat.com.