ALMATY. 15 mamyr. Qytaı eli Brazılııaǵa jańa ınfraqurylymdyq jobaǵa laıyqtap 50 mıllıard dollar ınvestısııa salatyn boldy. Ol qujatqa Qytaı Halyq Respýblıkasy memlekettik keńesiniń premeri Lı Kesıannyń aldaǵy aptada osy elge sapary kezinde qol qoıylady. Bul týraly BBC News habarlady.
Jobada qarastyrylǵan qarajattyń negizi bóligi – Brazılııanyń Atlant muhıty jaǵalaýynan Perýdiń Tynyq muhıty jaǵalaýynan deıingi dálizde temir jol jelisin salýǵa jumsalady. Munyń ózi bolashaqta qytaı eksportynyń baǵasyn arzandatary sózsiz. Investısııalyq qarajattyń qalǵan bóligi bolat óndiretin birikken kásiporyn salýǵa, avtomobıl bólshekterin shyǵarýǵa, energetıkaǵa jumsalady.
Osy sapar barysynda premer Kesıan jolaı Kolýmbııa men Perýge, Chılıge soǵyp aıaldaıdy. Jyl basynda QHR tóraǵasy Sı Szınpın Latyn Amerıkasynyń bul óńirine 10 jyldyń ishinde 250 mıllıard dollar ınvestısııa quıylatyny týraly málimdegen edi.
Talǵat Súıinbaı.
Derek, sýret: BBC News.