ALMATY.15 mamyr. Erteń Ońtústik Qazaqstan oblysynyń fermerleri Almatyda aýyl sharýashylyǵy jármeńkesin ótkizedi. Almatylyqtarǵa usynylatyn taýarlardyń baǵasy bazar baǵasynan 15-20 paıyz tómen bolady. Bul týraly egemen.kz habarlady.
Jármeńke sórelerine et pen sút, jemis-jıdek, kókónis, shujyq, un men jarma, suıyq maı, barlyǵy – 45 túrli aýyl sharýashylyǵy ónimderi qoıylady. Qazirdiń ózinde Shymkentten Almatyǵa 56 tonna et, 5 tonna sút ónimderi, 75 tonna kókónis jáne basqa da barlyǵy 100 mıllıon teńgeniń taýarlary jetkizildi. Jármeńkege Ońtústik Qazaqstan oblysynyń 14 aýdanynyń fermerleri ónimderin usynyp otyr.
Jármeńke ádettegideı Tólebı kóshesi men Abylaıhan dańǵylynyń qıylysqan jerindegi «Astana» alańynda ótedi.
Talǵat Súıinbaı.
Derek, sýret: egemen.kz.