Qyzylorda qalasynda «Qasqa joldy Qasym han» taqyrybynda respýblıkalyq ǵylymı-tájirıbelik konferensııa ótti. Bul týraly Qyzylorda oblystyq sotynyń baspasóz qyzmetine silteme jasaǵan egemen.kz tilshisi habarlady.
Konferensııa jumysyna Joǵarǵy Sottyń sýdıasy B.Maqulbekov, Mańǵystaý, Batys Qazaqstan, Atyraý, Aqtóbe, Qyzylorda oblystyq sottarynyń tóraǵalary men sýdıalary, respýblıkaǵa belgili ǵalymdar, quqyq qorǵaý organdarynyń ókilderi, joǵary oqý oryndarynyń ǵylym qyzmetkerleri men oqytýshylary, oblystyń ardagerler keńesiniń músheleri men jastar uıymdarynyń belsendileri jáne de BAQ ókilderi qatysty.
Joǵarǵy Sottyń sýdıasy B.Maqulbekov sharany ashyp, Joǵarǵy Sot Tóraǵasy Qaırat Mámıdiń ashyq hatyn oqyp berdi: «Syr boıynda marjandaı tizilip jatqan qalalardyń ishindegi eń mańyzdy, tarıhı oryn – Syǵanaq qalasy. Onyń 1468 jyly Qazaq handyǵynyń tuńǵysh astanasy bolǵany týraly zertteýshi Adyrbek Sopybekovtyń eńbeginde keńinen jazylǵan.
Budan basqa Syr boıynda jatqan Saýran, Sozaq, Otyrar, Túrkistan, Jent, Barshynkent jáne taǵy basqa da qalalardyń Qazaq handyǵynynyń ekonomıkalyq kúsh-qýatyn nyǵaıtýdaǵy róli zor bolǵanyndyǵyn atap kórsetti. О́ńirlik konferensııaǵa Aqtóbe, Atyraý, Batys Qazaqstan, Mańǵystaý oblystarynyń sýdıalaryn, zańgerlerdi jáne tarıhshylar men etnograf ǵalymdardy shaqyrýdaǵy negizgi maqsat – memleketimizdiń tarıh qoınaýynda jatqan derek kózin, qupııa syryn ashyp, urpaqtar jadyna sińirý», – delingen ashyq hatta.
Konferensııa barysynda doktor-professorlar, sot sýdıalary ár túrli taqyryptarda baıandamalar jasady. Aıta ketý kerek, konferensııa materıaldarynan jınaq qurastyrylatyn bolady.
Erjan Baıtiles.
Derek, sýret: egemen.kz.