ASTANA. 30 maýsym. Qazan qalasynyń basshylyǵy shahardaǵy Esperanto kóshesiniń atyn «Nursultan Nazarbaev kóshesi» qylyp aýystyrdy. Bul týraly ProKazan.ru-ǵa silteme jasaǵan «QazAqparat» habarlady.
Qazir atalǵan kóshedegi meken-jaı jazylǵan taqtaıshalar aýystyrylyp jatyr.
«Tatarstan Respýblıkasynyń qazaq ulttyq-mádenı avtonomııasynyń tóraǵasy S. Jaqsybaevtyń qala kósheleriniń birine Qazaqstan Respýblıkasynyń Tuńǵysh Prezıdenti Nursultan Ábishuly Nazarbaevtyń esimin berý týraly ótinishi qarastyrylǵan soń Qazan mýnısıpaldyq toponımıka boıynsha komıssııasynyń usynysyn eskerip, Vahıtov jáne Prıvoljskıı aýdandarynyń aýmaǵyndaǵy Esperanto kóshesine Nursultan Nazarbaevtyń esimin berý sheshimi qabyldandy», – dep habarlady portalǵa qalanyń atqarýshy komıtetinen.
Habarlamada qala basshylyǵy qazirgi ýaqytta daıyndaý jumystaryn, sonyń ishinde meken-jaı atrıbýtıkalaryn ózgertý boıynsha jumystar júrgizip jatqany aıtylǵan.
Aıta keteıik, Qazan qalasynyń kósheleriniń birin Nazarbaev esimin berý týraly áńgimeler bir apta buryn aıtyla bastaǵan bolaty.
Talǵat Raıymbek.
Derek, sýret: «QazAqparat».