ASTANA. 30 maýsym. Ulybrıtanııada tennısten «Úlken Dýlyǵa» sanatyndaǵy Ýımbldon týrnıri bastaldy. Bul synda elimizdiń namysyn bes tennısshimiz qorǵaıdy. Erler arasyndaǵy básekede Mıhaıl Kýkýshkın men Aleksandr Nedovesov, al áıelder saıysynda Zarına Dıas, Iаroslava Shvedova jáne Iýlııa Pýtınseva jarys jolyn shyǵady. Bul týraly egemen.kz habarlady.
Týrnır barysynda Zarına alǵashqy oıynyn Italııa tennısshisi Flavııa Pennettaǵa qarsy ótkizdi. Jarystyń 24-raketkasy retinde synǵa túsip jatqan ıtalııan bizdiń qyzǵa aıtarlyqtaı qarsylyq kórsete almady. Úsh setke sozylǵan oıynda otandasymyz 2:1 (6:4, 2:6, 6:3) esebimen jeńiske jetti. Zarınanyń kelesi aınalymdaǵy qarsylasy – belorýs Aleksandra Sosnovıch. Ol óz kezeginde Qytaı tennısshisi Chjý Lınnen úsh sette 2:1 esebimen basym tústi.
Sonymen qatar, jarystyń ekinshi aınalymyna Iýlııa Pýtınseva da joldama aldy. Ol birinshi kezdesýinde Jańa Zelandııa ókili Marına Erakovıchti 2:0 (7:6, 7:5) esebimen jeńdi. Iýlııanyń kelesi qarsylasy ataqty Vınýs Ýılıams ekenin aıta keteıik.
Búgin Iаroslava Shvedova horvat qyzy Lýchıch-Baronıge qarsy alǵashqy oıynyn ótkizedi. Bul oıyn Astana ýaqytymen saǵat 16:30-ǵa josparlanǵan. Sondaı-aq, Mıhaıl men Aleksandr da búgin kortqa shyǵady. Kýkýshkın saǵat 21:30-da ulybrıtanııalyq Endı Marreıge qarsy oınasa, Nedovesov serb tennıshisi V.Troıskımen kúsh synasady (18:30).
Elaman Qońyr.
Derek: egemen.kz.
Sýret: instagram.com.