PETROPAVL. 30 maýsym. M. Qozybaev atyndaǵy Soltústik Qazaqstan memlekettik ýnıversıtetinde «Qazaqstan halqy Assambleıasy–etnokonfessıonaldyq kelisimdi damytý men nyǵaıtýdyń biregeı úlgisi» degen taqyrypta halyqaralyq ǵylymı-teorııalyq konferensııa uıymdastyrylyp, oǵan elimizben qatar shetelderden 70-ke jýyq ǵalymdar, tarıhshylar, saıasattanýshylar qatysty. Bul týraly oblystyq «Qoǵamdyq kelisim» memlekettik mekemesiniń mamandary habarlady.
Kún tártibine «Elimizde jáne álemde konfessııaaralyq únqatý men etnıkaaralyq qarym-qatynas úılesimdiligin damytýdaǵy QR Prezıdentiniń róli», «Qazaqstandaǵy memlekettik etnosaıasat jáne álemdik tájirıbe», «Qazaqstan halqy Assambleıasynyń qurylymy: qyzmetiniń mazmuny men pishini», «Máńgilik El» ıdeıasy: Qazaqstan halqy Assmbleıasynyń qyzmeti arqyly úılestirý», «Qazaqstan halqy mádenıetiniń únqatýy: qaınarlar, dástúrler, qazirgi zaman» taǵy basqa máseleleler usynylyp, talqylaýǵa ǵylymı-zertteý ınstıtýttarynyń, ýnıversıtetterdiń, ǵylymı-saraptama uıymdarynyń beldi ókilderi qatysty.
Jınalǵandardyń nazary ekstremızm men terrorızmniń aldyn alý, tosqaýyl qoıý sekildi ótkir jaıttarǵa da aýdarylyp, naqty oı-pikirler ortaǵa salyndy. О́zekti máseleler boıynsha Qorǵan úkimetiniń ult jáne din máseleleri jónindegi keńesshisi Evgenıı Cherdakovtyń úni shıraq shyqty. Ol Prezıdent Nursultan Nazarbaevtyń salmaqty saıasatyn tolyq qoldaı kelip, adamdardy yntymaqqa, aýyzbirlikke toptastyrýdaǵy mundaı alqaly basqosýlardyń mańyzdylyǵyn atap ótse, qaraǵandylyq professor Iаkov Trofımov ortaq mámilege kelýdiń tıimdi joldaryn usyndy.
Oblystyq Assambleıanyń hatshylyq meńgerýshisi Naıl Salımov konferesııa qarsańynda maqalalar jınaǵy shyǵarylǵanyn, oǵan 200-ge jýyq týyndylar engenin jetkizdi.
О́mir Esqalı.
Derek, sýret: Soltústik Qazaqstan oblystyq «Qoǵamdyq kelisim» memlekettik mekemesi.